قازاقستاننىڭ جالپى ىشكى ءونىم ءوسىمى ورتالىق ازيا مەن ت م د ەلدەرى ىشىندە كوش باستاپ تۇر
ورتالىق ازيا جانە ت م د (بۇرىنعىلارىن دا قوسقاندا) ەلدەرى اراسىندا قازاقستان جالپى ىشكى ءونىم (ج ءى ءو) كولەمى بويىنشا الدىڭعى قاتاردا تۇر. Kazinform بۇل تۋرالى Ranking سايتىنا سىلتەمە جاساپ حابارلايدى.
حالىقارالىق ۆاليۋتا قورى (ح ۆ ق) ساراپشىلارىنىڭ پىكىرىنشە، 2023 -جىلى ق ر ج ءى ءو كولەمى بىردەن 259,3 ميلليارد ا ق ش دوللارىنا، 2022 -جىلمەن سالىستىرعاندا % 15- كە كوپ بولۋى كەرەك.
قازاقستاننىڭ ج ءى ءو وزبەكستان، بەلارۋس، گرۋزيا، ارمەنيا، مولدوۆا، قىرعىزستان مەن تاجىكستاننىڭ جالپى ىشكى ءونىمىن قوسقانداعى كورسەتكىشتەن جوعارى.
تەك رەسەيدىڭ - ەڭ اۋقىمدى الەمدىك ەكونوميكالاردىڭ ءبىرىنىڭ كورسەتكىشى عانا قازاقستاننان جوعارى. ولاردىڭ ج ءى ءو 2023 -جىلى 1,86 تريلليون ا ق ش دوللارىنا جەتەدى دەپ جوسپارلانعان.
سونىمەن قاتار ح ۆ ق ەكونوميستەرى 2028 -جىلى قازاقستاننىڭ ج ءى ءو 354,7 ميلليارد دوللارعا، بيىلعى جىلمەن سالىستىرعاندا بىردەن % 36,8- كە نەمەسە 95,4 ميلليارد دوللارعا ارتادى دەپ بولجاپ وتىر. بۇل دا ر ف- نان كەيىنگى ەڭ ۇلكەن كورسەتكىش.
ق ر پرەزيدەنتى قاسىم-جومارت توقايەۆ ۇكىمەتكە ودان دا ۇلكەن مىندەت قويدى: 2029 -جىلعا قاراي ج ءى ءو 450 ميلليارد دوللارعا دەيىن ارتتىرىپ، قازاقستان ەكونوميكاسىن ەكى ەسە ءوسىرۋ.
ەگەر ەكونوميكالىق ءوسىم جىل سايىن تۇراقتى تۇردە كەمىندە % 6 كورسەتىپ وتىرسا، وعان قول جەتكىزۋ ابدەن مۇمكىن. مۇنداي ستراتەگيالىق ماقساتقا جەتۋدە وڭدەۋ ونەركاسىبى جوبالارىن جۇزەگە اسىرۋ ماڭىزدى رولگە يە ەكەنىن ايتا كەتكەن ءجون.
اۆتور
زارينا تۋعانبايەۆا
