قازاقستاننىڭ حالىق بانكى مير كارتالارىنا قىزمەت كورسەتۋدى توقتاتتى

Банк карталари
Фото: freepik.com

استانا. KAZINFORM - قازاقستاننىڭ حالىق بانكى «مير» تولەم جۇيەسىنىڭ كارتالارىنا قىزمەت كورسەتۋدى توقتاتتى.

«ءيا، بانك ەندى MIR كارتالارىن قابىلدامايدى. بارلىق وپەراتسيالار توقتاتىلدى»، - دەپ حابارلادى بانكتىڭ بايلانىس ورتالىعى.

بەرىلگەن اقپاراتقا سايكەس، سوڭعى وزگەرىس 27-اقپاندا بولعان. بۇل بانكوماتتارعا دا، POS تەرمينالدارعا دا قاتىستى. قازىرگى شەكتەۋلەردىڭ سەبەپتەرى ايتىلمادى.

بۇعان دەيىن ب ا ق رەسەيدىڭ ۇلتتىق تولەم كارتوچكالارى جۇيەسىنە (ۇ ت ك ج) 30-ناۋرىزدان باستاپ ارمەنيالىق Card (ArCa) تولەم جۇيەسىنە قاتىسۋشى بانكتەر مير كارتالارىنا قىزمەت كورسەتۋدى توقتاتاتىنى تۋرالى رەسمي حابارلاعانىن جازعان.

«ا ق ش سانكسيالارىنا بايلانىستى قىرعىزستاندا مير بانك كارتالارىنا دا قىزمەت كورسەتىلمەيدى»، دەپ جازادى BBC News بۇل تۋرالى.

5 -ساۋىردەن باستاپ قىرعىزستاننىڭ تولەم جۇيەسى وعان قاتىسۋشى بانكتەر جەلىسىندە Mir كارتالارىنا قىزمەت كورسەتۋدى توقتاتادى. شەشىم «مير» كارتالارىنىڭ وپەراتورى - رەسەيدىڭ ۇلتتىق تولەم كارتالارى جۇيەسىنە (ۇ ت ج ج) ا ق ش- تىڭ سانكسيالارىنا بايلانىستى قابىلداندى، دەپ حابارلادى قىرعىزستاننىڭ Elkart ۇلتتىق تولەم جۇيەسىنىڭ وپەراتورى.

اۆتور

اسحات رايقۇل

سوڭعى جاڭالىقتار