قازاقستاننىڭ فينلياندياداعى ەلشىسى 12 مىڭ ەۋروعا ۆيللا جالداعان

استانا. قازاقپارات - جاننا سارتبايەۆا قازاقستاننىڭ فينلياندياداعى توتەنشە جانە وكىلەتتى ەلشىسى قىزمەتىنەن بوساتىلدى، دەپ حابارلايدى Ulysmedia.kz پورتالى اقورداعا سىلتەمە جاساي وتىرىپ.

قازاقستاننىڭ فينلياندياداعى جاڭا ەلشىسى بولىپ ازامات ءابدىرايىموۆ تاعايىندالدى.

2013 -جىلدان باستاپ فينلياندياداعى قازاقستان ەلشىلىگى - ەلشى مەن ونىڭ وتباسىنا تۇرۋ ءۇشىن جاعالاۋداعى ءۇيدى جالعا العانى حابارلانعان بولاتىن. 500 شارشى مەترلىك ءۇي ەسپوو قالاسىندا ورنالاسقان. باستاپقىدا ول بەس- التى ادامنان تۇراتىن ديپلوماتتىڭ وتباسىنا ارنالعان.

الايدا 2019 -جىلدان باستاپ ۇيدە ەلشى جاننا سارتبايەۆا تۇرىپ، ارزانىراق تۇرعىن ۇيدە تۇرۋدان باس تارتقان.

ق ر سىرتقى ىستەر مينيستىرلىگى سارتبايەۆقا تۇرعىلىقتى جەرىن اۋىستىرۋ قاجەتتىگى تۋرالى بىرنەشە رەت حابار جولداعان، ويتكەنى ۇيدە جان سانىنا بايلانىستى شارشى مەترگە بەلگىلى ءبىر شەكتەۋ قويىلادى. ءبىراق ول بۇل حاتتاردى ەلەمەگەن. اقىرى، قازاقستان ەلشىلىگى اي سايىن 12 مىڭ ەۋرو كولەمىندە رەزيدەنسيانى جالعا الۋدى، سونداي-اق ءۇيدى كۇتىپ-ۇستاۋعا ارنالعان باسقا دا ءىرى شىعىنداردى تولەدى.

سونىمەن قاتار، سارتبايەۆانىڭ جالعا بەرۋشىمەن جانە ريەلتورلارمەن قارىم-قاتىناسى جاقسى بولماعان. ءزاۋلىم ءۇيدىڭ يەسى جالداۋ اقىسى بويىنشا قارىزدى ءوندىرىپ الۋ ءۇشىن سوتقا جۇگىنۋگە ءماجبۇر بولدى.

كەيىنىرەك قازاقستاندىق تاراپ 60 مىڭ ەۋرو تولەپ، قارىزدى ءبىرجولاتا وتەدى.