قازاقستاننىڭ الەمدەگى ەڭ مىقتى ءتولقۇجاتتار رەيتينگىسىندەگى ورنى جوعارىلادى

паспорт
Фото: Kazinform

قازاقستان ءتولقۇجاتى Henley Passport Index 2024 رەيتينگىسىندە ءتورت پوزيتسياعا كوتەرىلىپ، 66-ورىنعا يە بولدى، دەپ حابارلايدى Kazinform بۇل تۋرالى henleyglobal.com-عا سىلتەمە جاساپ.

وتكەن 2023 -جىلى قازاقستان Henley Passport Index رەيتينگىندە 70- ورىندى يەلەندى.

حالىقارالىق اۋە كولىگى قاۋىمداستىعىنىڭ (IATA) دەرەكتەرى نەگىزىندە جاسالعان رەيتينگكە سايكەس، قازاقستان ازاماتتارى 78 باعىت بويىنشا ۆيزاسىز رەجيمدى پايدالانا الادى.

قازاقستان رەيتينگتە يندونەزيا جانە ەسۆاتينيمەن بىرگە 66-ورىندا تۇر.

بيىلعى Henley Passport Index رەيتينگىندە قازاقستان ازەربايجاندى باسىپ وزىپ، 66-ورىنعا تۇراقتادى. ازەربايجاندىقتار 72 ەلگە ۆيزاسىز بارا الادى.

قازاقستان ورتالىق ازيا ايماعىنداعى ءبىرقاتار كورشىلەس ەلدەن دە اسىپ ءتۇستى: قىرعىزستان – 77، وزبەكستان – 80، تاجىكستان - 81 جانە تۇرىكمەنستان - 89 ورىن الدى.

19 جىلدا العاش رەت التى مەملەكەت - فرانسيا، گەرمانيا، يتاليا، جاپونيا، سينگاپۋر جانە يسپانيا بيىلعى جىلدىڭ ەڭ مىقتى ءتولقۇجاتتارى رەيتينگىسىندە كوش باستادى. بۇل ەلدەردىڭ ازاماتتارى الەمنىڭ 194 مەملەكەتىنە ۆيزاسىز بارا الادى.

رەيتينگتە ەكىنشى ورىندا ازاماتتارى 193 ەلگە وڭاي قاتىناي الاتىن فينليانديا، وڭتۇستىك كورەيا جانە شۆەتسيا تۇر.

ەۋروپا ەلدەرى، سونىڭ ىشىندە اۋستريا، دانيا، يرلانديا جانە نيدەرلاندى 192 باعىتپەن ءۇشىنشى ورىندا تۇر.

ءتورتىنشى ورىندا بەلگيا، ليۋكسەمبۋرگ، نورۆەگيا، پورتۋگاليا جانە ۇلى بريتانيا، بەسىنشى ورىندا گرەتسيا، مالتا جانە شۆەيتساريا تۇر.

اۆتور

ەركەجان سماعۇلوۆا

سوڭعى جاڭالىقتار