قازاقستاننىڭ اۋە كولىگى ارقىلى شەتەلگە شىعىپ جاتقان رەسەيلىكتەر سانى ارتتى - مارات قارابايەۆ
استانا. KAZINFORM - بيىل ەلىمىزگە 10 جاڭا ۇشاق جەتكىزىلدى.
بۇل تۋرالى كولىك ءمينيسترى مارات قارابايەۆ ءمالىم ەتتى.
- ترانزيتتىك جولاۋشىلار اعىنىن ارتتىرۋ ماقساتىندا رەسەيلىك اۆياتسيا نارىعىن يگەرۋ مۇمكىندىكتەرى بار. ول ءۇشىن ماگيسترالدىق Dreamliner ۇشاقتارى ساتىپ الىنىپ جاتىر، - دەدى م. قارابايەۆ پارلامەنت ماجىلىسىندە كولىك-لوگيستيكالىق الەۋەتىن دامىتۋ تاقىرىبىنا ارنالعان ۇكىمەت ساعاتىندا.
وسىدان كەيىن مينيستر تىلشىلەر سۇراعىنا جاۋاپ بەرۋ كەزىندە قازاقستاننىڭ اۋە كومپانيالارى رەسەي اۋماعىنا بارىپ، قىزمەت ەتپەيتىنىن ايتتى.
- ول جاققا بارىپ، سول ەلدىڭ نارىعىندا ۇشادى دەگەن ماسەلە جوق. قازىر رەسەيدەن كوپ جولاۋشى قازاقستانعا كەلىپ، ءبىزدىڭ ەل ارقىلى ەۋروپاعا ساپارلاپ جاتىر. اتاپ ايتقاندا، كورشى ەلدەن كەلگەن جولاۋشىلار استانا ارقىلى شەتەلگە شىعىپ وتىر. تاعى دا «ەكاتەرينبۋرگ- تاراز» باعدارى بار. بۇل رەتتە پحۋكەتكە (تايلاند)، ۆەتنامعا ۇشاتىن رەيستەر تانىمال. وسى ارقىلى رەسەيلىك نارىق يگەرىلىپ جاتىر، - دەدى مارات قارابايەۆ.
سونىمەن قاتار بيىل ەلىمىزگە 10 جاڭا ۇشاق جەتكىزىلگەنىن اتاپ ءوتتى.
- ولاردىڭ Air Astana مەن SCAT ساتىپ الدى. ءتيىستى قۇجاتتارعا قول قويىلدى، سوندىقتان تاعى دا 23 ۇشاققا جەتكىزىلەدى. بۇل تۇرعىدا 2025-2026 -جىلدارى Air Astana مەن SCAT وسى ۇشاقتاردى پايدالانۋعا الادى، - دەپ ءتۇسىندىردى مينيستر.
بۇعان دەيىن حابارلانعانداي، YDA ،Turkish Technic جانە ASFAT كومپانيالارى بىرلەسىپ، اقتاۋ اۋەجايى اۋماعىندا ۇشاقتارعا تەحنيكالىق قىزمەت كورسەتۋ جانە وقۋ ورتالىقتارىن سالۋدى جوسپارلاپ وتىر.
وسى ورايدا ورتالىقتا ازيا ەلدەرى مەن رەسەي ۇشاقتارى جوندەلەدى.
رۋسلان عابباسوۆ
اۆتور
