قازاقستاننىڭ 15 وبلىسىندا داۋىلدى ەسكەرتۋ جاريالاندى

استانا. KAZINFORM - سەيسەنبى، 7 -قاڭتاردا جاڭبىر مەن قار تۇرىندەگى جاۋىن- شاشىن، كوكتايعاق پەن تۇمان كۇتىلەدى، دەپ حابارلايدى قازگيدرومەت.

استانادا كەي جەرلەردە قار جاۋىپ، كوكتايعاق بولادى.

اباي وبلىسىنىڭ شىعىسىندا جانە وڭتۇستىگىندە تۇمان تۇسەدى. كۇندىز وبلىس ورتالىعىندا قارلى بوران سوعادى. جەل وڭتۇستىك- شىعىستان سوعادى، كۇندىز وبلىس ورتالىعىندا ەكپىنى 15-20 م/س جەتەدى.
كۇندىز اقمولا وبلىسىنىڭ باتىسىندا، سولتۇستىگىندە جانە وڭتۇستىگىندە قالىڭ قار جاۋادى. بوران سوعىپ، كوكتايعاق بولادى. وبلىستىڭ سولتۇستىگى مەن شىعىسىندا تۇمان تۇسەدى. وڭتۇستىك- شىعىستان جەل سوعادى، تاڭەرتەڭ جانە كۇندىز باتىستان سولتۇستىك- شىعىسقا اۋىسادى، وبلىستىڭ وڭتۇستىگىندە 15-20 م/س، كەيدە ەكپىنى 25 م/س جەتەدى.

الماتى وبلىسىنىڭ تاۋ بوكتەرىندە جانە تاۋلى ايماقتارىندا تۇندە تۇمان ءتۇسىپ، جولدار كوكتايعاق بولادى. ورتالىقتا كۇندىز وڭتۇستىك- باتىستان سوعاتىن جەلدىڭ ەكپىنى وبلىستىڭ شىعىسىندا 18 م/س.

اتىراۋ وبلىسىنىڭ باتىسىندا، وڭتۇستىگىندە، شىعىسىندا تۇمان تۇسەدى.

اقتوبە وبلىسىنىڭ وڭتۇستىگىندە تۇندە قالىڭ قار جاۋادى. وبلىستىڭ وڭتۇستىگىندە، ورتالىعىندا جانە شىعىسىندا قارلى بوران سوعادى. وبلىستىڭ باتىسى مەن سولتۇستىگىندە تۇمان تۇسەدى.

سولتۇستىك- باتىستان جەل وڭتۇستىكتە، ورتالىقتا، وبلىستىڭ شىعىسىندا 15-20 م/س ەكپىنمەن سوعادى.
شىعىس قازاقستان وبلىسىنىڭ باتىسىندا، سولتۇستىگىندە، وڭتۇستىگىندە تۇمان كۇتىلەدى.

جامبىل وبلىسىندا تۇندە تاۋلى ايماقتاردا قار جاۋىپ، كوكتايعاق بولادى، كۇندىز جاۋىن-شاشىن (جاڭبىر، قار)، كوكتايعاق، وبلىستىڭ تاۋلى ايماقتارىندا قاتتى جاۋىن-شاشىن (جاڭبىر، قار) كۇتىلەدى. وبلىستىڭ سولتۇستىگىندە، وڭتۇستىگىندە، تاۋلى ايماقتارىندا تۇمان تۇسەدى. وڭتۇستىك- باتىستان سوعاتىن جەل ەكىپىنى وبلىستىڭ تاۋلى اۋداندارىندا 15-20 م/س، كۇندىز كەي جەرلەردە 23-28 م/س دەيىن جەتەدى.

جەتىسۋ وبلىسىنىڭ تاۋلى ايماقتارىندا تۇندە تۇمان كۇتىلەدى.

كۇندىز باتىستا، قاراعاندى وبلىسىنىڭ ورتالىعىندا قالىڭ قار جاۋادى. تۇندە وبلىستىڭ باتىسى مەن شىعىسىندا كوكتايعاق، كۇندىز بۇرقاسىن بولادى. وبلىستىڭ باتىسىندا، وڭتۇستىگىندە جانە شىعىسىندا كەي جەرلەردە تۇمان تۇسەدى. كۇندىز وڭتۇستىك- شىعىستان سوعاتىن جەل ەكپىنى 15-20 م/س.

قوستاناي وبلىسىنىڭ وڭتۇستىگىندە تۇندە قالىڭ قار جاۋادى. وبلىستىڭ شىعىسى مەن وڭتۇستىگىندە قارلى بوران سوعادى. وبلىستىڭ باتىسى مەن شىعىسىندا تۇمان تۇسەدى. وبلىستىڭ وڭتۇستىگى مەن شىعىسىندا وڭتۇستىك- باتىستان سوعاتىن جەل سولتۇستىك- باتىسقا بۇرىلىپ، ەكپىنى 15-20 م/س جەتەدى.

قىزىلوردا وبلىسىندا جاۋىن-شاشىن (جاڭبىر، قار)، كوكتايعاق كۇتىلەدى. تۇندە شىعىستا، وبلىس ورتالىعىندا تۇمان تۇسەدى. وڭتۇستىك- شىعىستان سوعاتىن جەل تۇندە وبلىستىڭ سولتۇستىك- باتىسىنا قاراي اۋىسادى، كۇندىز وبلىستىڭ باسىم بولىگىندە 15-20 م/س، ال وبلىس ورتالىعىندا ەكپىنى 25 م/س بولادى.

پاۆلودار وبلىسىنىڭ شىعىسىندا تۇندە جانە تاڭەرتەڭ تۇمان كۇتىلەدى.

سولتۇستىك قازاقستان وبلىسىندا كۇندىز قار جاۋادى دەپ كۇتىلۋدە. كۇندىز وبلىستىڭ وڭتۇستىگىندە بۇرقاسىن كۇتىلەدى. وبلىستىڭ وڭتۇستىگىندە، سولتۇستىگىندە جانە شىعىسىندا تۇمان كۇتىلەدى.

تۇركىستان وبلىسىندا تاڭەرتەڭ جانە كۇندىز جاۋىن-شاشىن، وبلىستىڭ تاۋلى ايماقتارىندا قاتتى جاۋىن-شاشىن (جاڭبىر، قار) كۇتىلەدى؛ وبلىستىڭ سولتۇستىگىندە، باتىسىندا، تاۋلى ايماقتارىندا تۇمان تۇسەدى. جەل وڭتۇستىك- باتىستان سوعادى، تاڭەرتەڭ جانە كۇندىز سولتۇستىك-باتىسقا اۋىسادى، سولتۇستىكتە، باتىستا، وڭتۇستىكتە، وبلىستىڭ تاۋلى جانە تاۋ بوكتەرىندەگى اۋداندارىندا 15-20 م/س، وبلىستىڭ تاۋلى اسۋلارىندا كەي جەرلەردە 28 م/س جىلدامدىقتا جەل سوعادى.

كۇندىز ۇلىتاۋ وبلىسىندا جاۋىن-شاشىن (جاڭبىر، قار) كۇتىلەدى، باتىستا، سولتۇستىكتە جانە وبلىس ورتالىعىندا قالىڭ قار جاۋادى. تۇندە بوران بولىپ، كۇندىز قار جاۋىپ، كوكتايعاق بولادى.

وبلىستىڭ باتىسىندا، سولتۇستىگىندە جانە وڭتۇستىگىندە كەي جەرلەردە تۇمان تۇسەدى. كۇندىز وبلىستىڭ باتىسىندا، سولتۇستىگىندە، وڭتۇستىگىندە وڭتۇستىك-شىعىستان سوعاتىن جەل ەكپىنى 15-20، كەي ۋاقىتتا 23 م/س دەيىن جەتەدى.

شىمكەنتتە تاڭەرتەڭ جانە كۇندىز وڭتۇستىك-باتىستان سوعاتىن جەل سولتۇستىك-باتىسقا اۋىسادى.

جاراسقان نۇرىبايەۆ
اۆتور