قازاقستاندىقتاردىڭ زەينەتاقى جيناقتارى 20 تريلليون تەڭگەگە جەتتى
استانا. قازاقپارات - 2024 -جىلعى 1-شىلدەدەگى جاعداي بويىنشا سالىمشىلاردىڭ «ب ج ز ق» ا ق- داعى جەكە جانە شارتتى شوتتارىندا شامامەن 20 تريلليون تەڭگە جيناقتالدى، دەپ حابارلايدى قوردىڭ باسپا ءسوز قىزمەتى.
جىل باسىنان بەرى ءوسىم 2,1 تريلليون تەڭگەدەن (11,8 پايىز) استى. بىلتىرعى جىلدىڭ سايكەس كەزەڭىمەن سالىستىرساق، زەينەتاقى جيناقتارىنىڭ كولەمى 3,9 تريلليون تەڭگەگە جۋىق نەمەسە 24,3 پايىز ءوستى.
وتانداستارىمىزدىڭ جيناقتارىنىڭ %96 مىندەتتى زەينەتاقى جيناعى ەسەبىنەن قالىپتاستىرىلدى، ونىڭ كولەمى شامامەن 19,3 تريلليون تەڭگە بولدى (ءبىر جىلداعى ءوسىم - %23,7، جىل باسىنان بەرى-%11,3).
م ك ز ج بويىنشا زەينەتاقى جيناقتارىنىڭ سوماسى - 619,9 ميلليارد تەڭگە (ءبىر جىلداعى ءوسىم - %22,9، جىل باسىنان بەرى -% 9).
ەڭ ۇلكەن ءوسىمدى (جىلىنا %48,4، جىل باسىنان بەرى % 22,5) ەرىكتى زەينەتاقى جارنالارى (ە زج) بويىنشا جيناقتار كورسەتتى، ونىڭ كولەمى - 6,5 ميلليارد تەڭگە.
زەينەتاقى جيناقتارىنىڭ ماڭىزدى قۇرامداۋىشى - زەينەتاقى جارنالارى، ولاردىڭ كولەمى 2024 -جىلدىڭ 6 ايىندا 1,3 تريلليون تەڭگەدەن اسقان، بۇل وتكەن جىلعى كورسەتكىشتەن %28,4 نەمەسە 290,8 ميلليارد تەڭگەگە ارتىق. اتاپ كەتەيىك، ءوسىم وتكەن جىلدىڭ سايكەس كەزەڭىمەن سالىستىرعاندا مىندەتتى زەينەتاقى جارنالارى (م ز ج) - 18,7، مىندەتتى كاسىپتىك زەينەتاقى جارنالارى (م ك ز ج) - 20,3، ەرىكتى زەينەتاقى جارنالارى (ە ز ج) - 30,4 پايىز كورسەتتى.
2024 -جىلعى 1-قاڭتاردان باستاپ سالىمشىلاردىڭ (الۋشىلاردىڭ) زەينەتاقى شوتتارىنا قوسىمشا قاراجات - جۇمىس بەرۋشىنىڭ مىندەتتى زەينەتاقى جارنالارى (ج م ز ج) تۇسۋدە. 2024 -جىلدىڭ 6 ايىندا ج م ز ج ەسەبىنەن زەينەتاقى جيناقتارىنىڭ سوماسى شامامەن 98,9 ميلليارد تەڭگە بولدى.
جيناقتاردىڭ تاعى ءبىر ماڭىزدى بولىگى - ينۆەستيتسيالىق كىرىس. 2024 -جىلدىڭ ءبىرىنشى جارتىجىلدىعىندا ب ج ز ق سالىمشىلارىنىڭ جەكە جانە شارتتى زەينەتاقى شوتتارىنا ەسەپتەلگەن تازا ينۆەستيتسيالىق كىرىس شامامەن 1,21 تريلليون تەڭگەگە جەتتى.
اعىمداعى جىلدىڭ 6 ايىندا ب ج ز ق- دان تولەمدەر تۇرىندەگى شىعىس اعىندارى 457,6 ميلليارد تەڭگەدەن استى. بۇل رەتتە وسى سومانىڭ نەگىزگى بولىگىن تۇرعىن ءۇي جاعدايلارىن جاقسارتۋعا جانە ەمدەلۋگە ارنالعان ءبىرجولعى زەينەتاقى تولەمدەرى (ب ز ت) قۇرايدى - ول شامامەن 190,4 ميلليارد تەڭگە، بۇل وتكەن جىلعى كورسەتكىشتەن 2,4 ەسە جوعارى.
زەينەت جاسىنا تولۋىنا بايلانىستى تولەمدەر شامامەن 97,3 ميلليارد تەڭگە بولدى.
سونداي-اق، مۇراگەرلىك بويىنشا تولەمدەر - 28,6 ميلليارد تەڭگە، ق ر شەگىنەن تىس تۇراقتى تۇرۋعا كەتۋگە بايلانىستى تولەمدەر - 17,9 ميلليارد تەڭگە، مۇگەدەكتىگى بار ادامدارعا تولەمدەر - 1,5 ميلليارد تەڭگە، جەرلەۋگە تولەمدەر - 4,9 ميلليارد تەڭگە مولشەرىندە جۇزەگە اسىرىلدى. ساقتاندىرۋ ۇيىمدارىنا 117 ميلليارد تەڭگەدەن استام سوما اۋدارىلدى.
ب ج ز ق- دان كەستە بويىنشا ورتاشا ايلىق تولەم سوماسى (زەينەت جاسىنا تولۋىنا بايلانىستى) 33883 تەڭگە بولسا، اي سايىنعى تولەمنىڭ ەڭ جوعارى سوماسى 945752 تەڭگەگە تەڭ. ەستەرىڭىزگە سالا كەتەيىك، وتكەن جىلدىڭ وسى كەزەڭىندە ب ج ز ق- دان كەستە بويىنشا اي سايىنعى تولەمنىڭ ورتاشا سوماسى 32111 تەڭگە، ال اي سايىنعى تولەمنىڭ ەڭ جوعارى سوماسى 742692 تەڭگە بولدى.
2024 -جىلعى 1-شىلدەدەگى جاعداي بويىنشا ب ج ز ق- داعى سالىمشىلاردىڭ جەكە زەينەتاقى شوتتارىنىڭ (ج ز ش) سانى - 12,4 ميلليون بىرلىك، ونىڭ ىشىندە: 11,1 ميلليون – م ز ج بويىنشا، 688,6 مىڭ – م ك ز ج بويىنشا، 421,3 مىڭ - ەزج بويىنشا.
2024 -جىلعى 1-شىلدەدەگى جاعداي بويىنشا ب ج ز ق- داعى شارتتى زەينەتاقى شوتتارىنىڭ (شزش) سانى 3,9 ميلليون بىرلىككە جەتتى. وندا قازاقستان رەسپۋبليكاسىنىڭ زاڭناماسىنا سايكەس كەلىپ تۇسكەن ج م ز ج جانە وزگە دە تۇسىمدەر تۋرالى مالىمەتتەر ەسكەرىلەدى.
زەينەتاقى اكتيۆتەرىنە قاتىستى بارلىق وزەكتى اقپارات، سونىڭ ىشىندە رەسپۋبليكا وڭىرلەرى بويىنشا مالىمەتتەر enpf.kz سايتىنداعى «كورسەتكىشتەر» بولىمىندە ورنالاستىرىلعان.
