قازاقستاندىقتار جايلى مەكتەپتەردىڭ قۇرىلىسىنا قاتىسا الادى
استانا. قازاقپارات - 2024 -جىلعى 29-ءساۋىر مەن 10- مامىر ارالىعىندا ەلىمىزدىڭ كەز كەلگەن تۇرعىنى «جايلى مەكتەپ» ۇلتتىق جوباسى اياسىندا سالىنىپ جاتقان ءبىلىم وشاقتارى جوبالارىنىڭ سوڭعى تالقىلاۋىنا قاتىسا الادى.
ۇلتتىق جوبانىڭ ءبىرىڭعاي وپەراتورى «Samruk-Kazyna Construction» ا ق ءبىلىم بەرۋ كەڭىستىگىنىڭ اتموسفەراسى مەن ۇيلەسىمدىلىگىن شولۋعا مۇمكىندىك بەرەتىن 3D- ۇلگىنى ۇسىنىپ وتىر.
ونىڭ كومەگىمەن جايلى مەكتەپتەردەگى سىنىپ، ءدالىز، ۆەستيبيۋل، سپورت زالدارى جانە اسحانانىڭ قالاي راسىمدەلەتىنىن تاڭداۋعا قاتىسۋعا بولادى.
ۆيرتۋالدى ساياحات وقۋشىلارعا، اتا-اناعا، مۇعالىمدەر مەن قىزىعۋشىلىق تانىتقان ازاماتتارعا جايلى مەكتەپتەردىڭ ىشكى ينتەرەرىمەن تانىسىپ، پىكىرىن بىلدىرۋگە مۇمكىندىك بەرەدى. ودان بولەك، قازاقستاندىقتار ارنايى ساۋالناماعا قاتىسىپ، ۇسىنىستار بەرە الادى.
پىكىرلەر مەن ۇسىنىستار بيىل 10-مامىرعا دەيىن قابىلدانادى.
اۆتور
داۋلەت ىزتىلەۋ
