قازاقستاندىق قۇتقارۋشىلار اۋعانستاننان ەلگە ورالدى

مەملەكەت باسشىسى قاسىم- جومارت توقايەۆتىڭ تاپسىرماسىمەن جەر سىلكىنىسىنىڭ سالدارىن جويۋعا كومەك كورسەتۋ ءۇشىن اۋعانستانعا بارعان قازاقستان توتەنشە جاعدايلار مينيسترلىگىنىڭ كۇشتەرى مەن قۇرالدارى ەلگە ورالدى، دەپ حابارلايدىКazinform.

қазақстан құтқарушылары
Фото: Фото: ҚР ТЖМ

گۋمانيتارلىق ميسسيانى ورىنداۋ ءۇشىن جالپى 45 ادام، ونىڭ ىشىندە ت ج م رەسپۋبليكالىق جەدەل- قۇتقارۋ جاساعىنىڭ قۇتقارۋشىلارى، كينولوگيالىق ەسەپتوپتار، اپاتتار مەديتسيناسى ورتالىعىنىڭ دارىگەرلەرى مەن فەلدشەرلەرى جىبەرىلگەن بولاتىن.

ت ج م مالىمەتىنە سۇيەنسەك، ازاماتتىق قورعانىس جانە اسكەري بولىمدەرى كوميتەتى ءتوراعاسىنىڭ مىندەتىن اتقارۋشى، گەنەرال- مايور ۇلاربەك ابىكەيەۆتىڭ باسشىلىعىمەن قازاقستاندىق قۇتقارۋشىلار جاساعى قويىلعان مىندەتتەردى ابىرويمەن ورىندادى.

қазақстан құтқарушылары
Фото: Фото: ҚР ТЖМ

 

جەر سىلكىنىسى ايماعىنان ورالعان قۇتقارۋشىلاردى اۋەجايدا ارىپتەستەرى، تۋىستارى مەن جاقىندارى قارسى الدى.

سونىمەن قاتار «Lider.kz» قوزعالىسىنىڭ ۆولونتەرلەرى قۇتقارۋشىلاردى كەزەكتى رەت قارسى الدى. ولار چارلي، دجەيكوب پەن ەۆرو اتتى قۇتقارۋشى يتتەرگە مەدالدار دايىنداپ قويعان.

گۋمانيتارلىق ميسسياعا قاتىسۋشىلاردى ق ر ت ج ۆيسە- ءمينيسترى يور ەرلان نۇرپەيىسوۆ قۇتتىقتاپ، حالىقارالىق قۇتقارۋ وپەراتسيالارى ءبىزدىڭ ماماندارعا كاسىبي بىلىكتىلىگىن ارتتىرۋعا جانە ءارتۇرلى جاعدايلاردا جۇمىس ىستەۋ داعدىلارىن جەتىلدىرۋگە كومەكتەسەتىنىن اتاپ ءوتتى.

қазақстан құтқарушылары
Фото: Фото: ҚР ТЖМ

 

اۋعانستانداعى ىزدەستىرۋ- قۇتقارۋ جۇمىستارىن جۇرگىزۋ بارىسىندا قازاقستان ت ج م قۇتقارۋشىلارى جەرگىلىكتى 83 تۇرعىنعا مەديتسينالىق كومەك كورسەتىپ، 211 ءۇي فراگمەنتىنىڭ ءۇيىندىسىن بولشەكتەدى، نايبروفي ەلدى مەكەنىندە قيراعان 700 ءۇيدىڭ ۋچاسكەسىن تەكسەردى. ءۇيىندى اراسىنان 1 بالانىڭ دەنەسىن تاۋىپ، الىپ شىقتى. قاتتى شاڭدى داۋىلدان زارداپ شەككەن 9 شاتىرلى قالاشىقتىڭ ورنالاسۋ ورىندارىندا تەكسەرۋ جۇرگىزىلدى. قازاقستاندىق قۇتقارۋشىلار سياحان ەلدى مەكەنىندە تولىعىمەن قيراعان ۇيلەردىڭ استىن دا تەكسەرىپ، چولك ەلدى مەكەنىندە ۇيىندىلەردى بولشەكتەۋ جۇمىستارىن جۇرگىزدى.

قۇتقارۋشىلارىمىز ەلگە ورالار الدىندا اۋعان بيلىگى قازاقستاندىقتارعا جويقىن جەر سىلكىنىسى سالدارىن جويۋعا كومەك كورسەتكەنى ءۇشىن العىس ءبىلدىردى.

Қутқарувчилар
Фото: Фото: ҚР ФВВ матбуот хизмати

 

«ءبىز قازاقستاننىڭ قيىن ساتتە كورسەتكەن كومەگىن ۇمىتپايمىز»، - دەدى اۋعانستان مادەنيەت جانە اقپارات ءمينيسترىنىڭ ورىنباسارى موحادجەر ساحيب.

ەسكە سالايىق، 10 -قازاندا قازاقستاننىڭ 45 قۇتقارۋشىسى جويقىن جەر سىلكىنىسىنىڭ سالدارىن جويۋعا كومەك كورسەتۋ ءۇشىن اۋعانستانعا اتتانعان بولاتىن. العاشقى تاۋلىك ىشىندە 76 ۋچاسكەدەگى ءۇيىندى بولشەكتەلدى. كەيىن قۇتقارۋشىلار ۇيىندىلەر استىنان 5-6 جاسار بالانىڭ ءمايىتىن الىپ شىقتى.

Қутқарувчилар
Фото: Фото: ҚР ФВВ матбуот хизмати

 

سونداي- اق 11 -قازان كۇنى قازاقستان حالقىنىڭ اتىنان گۋمانيتارلىق كومەكتىڭ العاشقى لەگى تيەلگەن ارنايى ۇشاق اۋعانستاننىڭ گەرات اۋەجايىنا جەتتى. بۇل تۋرالى وقيعا ورنىنان Кazinform ءتىلشىسى ەسىمجان ناقتىباي حابارلادى.

7 -قازان كۇنى اۋعانستاننىڭ باتىسىنداعى گەرات پروۆينتسياسىندا 6,3 بالدىق جەر سىلكىنىسىنەن 2053 ادام قازا تاۋىپ، 9 مىڭنان استام ادام جاراقات الدى.

كەشە، 15- قازان كۇنى گەرات پروۆينتسياسىندا 6,3 ماگنيتۋداسىمەن تاعى دا ءزىلزالا بولدى.

اۆتور

گۇلميرا الياكپاروۆا

سوڭعى جاڭالىقتار