قازاقستاندىق الىپ كۇش يەسى ءۇش الەمدىك رەكورد ورناتتى
استانا. KAZINFORM - قازاقستاندىق الىپ كۇش يەسى ميلاندا Guinness Records كىتابى بويىنشا ءۇش الەمدىك رەكورد ورناتتى. بۇل تۋرالى سپورت كوميتەتى حابارلادى.
سەرگەي سيريۋلنيكوۆ ميلاندا (يتاليا) Guinness World Records وكىلدەرى تىركەگەن ءۇش الەمدىك رەكوردتى بىردەن جاڭارتتى.
سپورتشى قول جەتكىزگەن جەڭىستەرىن قازاقستان حالقىنا ارنايتىنىن ايتتى.
- بۇل تەك فيزيكالىق كۇش ەمەس. بۇل - اتا-بابالارىمىزدان ميراس بولعان رۋحتىڭ كۇشى، ۇلتتىق ەرىك-جىگەرىمىزدىڭ سيمۆولى، - دەپ اتاپ ءوتتى.
الىپ كۇش يەسى 57 سەكۋندتىڭ ىشىندە ولشەمى 22×8 م م بولاتىن 14 تەمىر تاعانى بۇكتەپ، ءبىر مينۋتتا توعىز رەزەڭكە جىلىتقىشتى ۇرلەۋ ارقىلى جارىپ، سونداي-اق ءبىر مينۋتتا جالاڭ قولمەن شويىن تاباعا 19 شەگە قاققان.
بۇل جەتىستىكتەردىڭ بارلىعى يتاليانىڭ Lo Show Dei Record تەلەشوۋى اياسىندا رەسمي تۇردە تىركەلدى. ەسكە سالساق ەلوردادا ءبىر مەزەتتە 25 كەلىننىڭ بەتاشار ءراسىمى وتكەن ەدى. سالتانات سارايىندا وتكەن تاريحي وقيعا كينەس رەكوردتار كىتابىنا ەنگىزىلگەن ەدى.
