قازاقستانداعى ورتاشا جالاقى 11 پايىزعا ءوستى

استانا. KAZINFORM - بيىلعى جىلى III توقساندا قازاقستان رەسپۋبليكاسى بويىنشا ايلىق جالاقىنىڭ ورتاشا ءمانى 2023 -جىلعى ءتيىستى توقسانعا قاراعاندا %11,3- عا ءوسىپ، 390328 تەڭگەنى قۇرادى. بۇل تۋرالى ۇلتتىق ستاتيستيكا بيۋروسى حابارلادى.

وتكەن توقسانىمەن سالىستىرعاندا ايلىق جالاقىسىنىڭ ورتاشا ءمانى %3,2- عا تومەندەدى، ناقتى جالاقى يندەكسى %95,3 قۇرادى.

وڭىرلىك بولىنىستە 2023 -جىلدىڭ ءتيىستى توقسانىمەن سالىستىرعاندا 2024 -جىلدىڭ III توقسانىندا ورتاشا ايلىق اتاۋلى جالاقىنىڭ ەڭ كوپ ءوسۋى شىمكەنت قالاسىندا - %16,1- عا، الماتى قالاسىندا - %15,2- عا، اباي جانە اقتوبە وبلىستارىندا - %14,2- عا، قوستاناي وبلىسىندا - %14,0- دى قۇرادى.

قازاقستان رەسپۋبليكاسىنداعى جالاقىنىڭ مەديانالىق ءمانى باعالاۋ بويىنشا 2024 -جىلدىڭ III توقسانىندا 269378 تەڭگەنى قۇرادى.

«2023 -جىلدىڭ ءتيىستى توقسانىمەن سالىستىرعاندا ورتاشا ايلىق جالاقىنىڭ ەڭ جوعارى ءوسۋى اقپارات جانە بايلانىستا - 28,1 ەسە، قارجى جانە ساقتاندىرۋ قىزمەتى - %24,3- عا، جىلجىمايتىن مۇلىكپەن وپەراتسيالار - %18,7- عا، ونەر، ويىن- ساۋىق جانە دەمالىس - %18,0- عا، سالالارىندا بايقالدى. ونەركاسىپتە ورتاشا ايلىق جالاقى - %13,8- عا ءوستى، ونىڭ ىشىندە ەلەكتر ەنەرگياسىمەن، گازبەن، بۋمەن، ىستىق سۋمەن جانە اۋانى كونديتسيالاۋمەن جابدىقتاۋ سالاسىندا - %20,6- عا، سۋمەن جابدىقتاۋ؛ سۋ بۇرۋ؛ قالدىقتاردى جيناۋ، وڭدەۋ جانە جويۋ، لاستانۋدى جويۋ بويىنشا قىزمەت سالاسىندا - %18,3- عا. 2023 -جىلدىڭ ءتيىستى توقسانىمەن سالىستىرعاندا ورتاشا ايلىق جالاقىنىڭ ەڭ تومەنگى ءوسۋى، مەملەكەتتىك باسقارۋ جانە قورعانىس؛ مىندەتتى الەۋمەتتىك قامسىزداندىرۋ- %5,9- عا، قۇرىلىس- %5,3- عا سالالارىندا بايقالدى»، - دەلىنگەن ۇلتتىق ستاتيستيكالىق بيۋرو حابارلامااسىندا.

سونىمەن قاتار، سالالىق قۇرىلىمدا ەڭ جوعارى اتاۋلى جالاقى تاۋ-كەن ءوندىرۋ ونەركاسىبى جانە كارەرلەردى قازۋدا- 2,2 ەسە، قارجى جانە ساقتاندىرۋ قىزمەتى - 2,1 ەسە، كاسىبي، عىلىمي جانە تەحنيكالىق قىزمەتىندە - تيىسىنشە 1,5 ەسە ، كولىك جانە جيناقتاۋدا - 1,4 ەسە جوعارى بولىپ تىركەلدى.

اۆتور

ساياگۇل جارىلقاسىن