قازاقستانداعى كومىر قورى 300 جىلعا جەتەدى - ۆيتسە- مينيستر

көмір
Фото: Солтан Жексенбеков/Kazinform

استانا. KAZINFORM - ونەركاسىپ جانە قۇرىلىس ۆيتسە-ءمينيسترى ولجاس ساپاربەكوۆ استانادا ءوتىپ جاتقان كومىر وندىرۋشىلەر فورۋمىندا ەلدەگى كومىر قورىنىڭ مولشەرى تۋرالى ءسوز قوزعادى.

«قازىرگى تاڭدا كومىر سالاسى ەلدەگى ەلەكتر قۋاتى ءوندىرىسىنىڭ %70- ىن، كوكس-حيميا ءوندىرىسىنىڭ %100- ىن، كوممۋنالدىق-تۇرمىستىق سەكتور مەن حالىقتىڭ وتىنعا دەگەن قاجەتتىلىگىن تولىق قامتاماسىز ەتىپ وتىر. سالادا 32 مىڭداي ادام جۇمىسپەن قامتىلعان. قازاقستاننىڭ كومىر قورى جەتكىلىكتى (33,6 ميلليارد توننا) جانە قازىرگى ءوندىرىس قۋاتى ساقتالسا، ءالى 300 جىل كومىر وندىرۋگە بولادى. ءوندىرىس كولەمى بويىنشا الەمدەگى 10 الدىڭعى قاتارلى ەلدىڭ توبىنا كىرەمىز»، - دەدى ول.

ۆيتسە- مينيستر سالانىڭ الدىندا جاسىل ەنەرگەتيكاعا دەگەن باسىمدىق، لوگيستيكا جانە باعا قۇبىلمالىلىعى سياقتى پروبلەمالار تۇرعانىن اتاپ ءوتتى.

Көмір
Фото: ҚазАқпарат

«بۇل پروبلەمالاردىڭ سالدارىنان كومىر ءوندىرۋ كولەمى تومەندەپ كەلەدى. 2023 -جىلى بۇل كورسەتكىش 113 ميلليون توننا بولدى. ياعني، 2022 -جىلعى كورسەتكىشتەن 1 ميلليون تونناداي از. ال بيىلعى قاڭتار-ءساۋىر ارالىعىنداعى ءوندىرىس كولەمى 35 ميلليون توننا بولدى. ياعني، 2022 -جىلدىڭ 4 ايىنداعى كورسەتكىشتەن 2,7 ميلليون توننا از»، - دەدى ولجاس ساپاربەكوۆ.

سونداي- اق، ول اتالعان پروبلەمالاردى ەڭسەرۋ ءۇشىن ەۋروپا مەن ازيانىڭ جەتەكشى ەلدەرىندەگى تاجىريبەنى نەگىزگە الىپ، «تازا كومىر» تەحنولوگياسىنا دەن قويۋ كەرەكتىگىن ايتتى.

«كومىر حيمياسى ءوندىرىس كولەمىن قازىرگى دەڭگەيدە ساقتاپ قالۋعا عانا ەمەس ارتتىرا تۇسۋگە مۇمكىندىك بەرەتىن ايتارلىقتاي جاقسى سالا بولىپ ەسەپتەلەدى. سونىڭ ارقاسىندا وڭدەۋ ونەركاسىبىنىڭ دامۋىنا دا ۇلەس قوسۋعا بولادى. قىتاي حالىق رەسپۋبليكاسىنداعى ساپار كەزىندە ءبىزدىڭ كومىر وندىرۋشىلەر كومىردەن حيميالىق ونىمدەرىنەن مارجاسى جوعارى، سالعان ينۆەستيتسيانى تەز اقتايتىن حيميالىق ونىمدەر الۋعا بولاتىنىنا كوز جەتكىزدى. بۇل باعىتتا قىتايلىق كومپانيالارمەن جەرگىلىكتى كومپانيالاردىڭ سەرىكتەستىگى اياسىندا كاپيتال مەن تەحنولوگيا تارتۋ باعىتىندا جۇمىس ىستەپ جاتىرمىز»، - دەدى ۆيتسە- مينيستر.

اۆتور

ەسىمجان ناقتىباي

سوڭعى جاڭالىقتار