قازاقستاندا يتەلگى ازايىپ بارادى
استانا. KAZINFORM - ەكولوگيا جانە تابيعي رەسۋرستار ءمينيسترى ەرلان نىسانبايەۆ يتەلگى سانىنىڭ ازايۋى ماسەلەسىن كوتەردى.
- عالىمداردىڭ باعالاۋىنشا، سوڭعى ونجىلدىقتاردا قازاقستانداعى ەڭ ءىرى سۇڭقار وتە سيرەك كەزدەسەتىن تۇرگە اينالعان، ال كەيبىر ايماقتاردا تۇبەگەيلى جويىلىپ كەتكەن. بۇل قۇستىڭ قازاقستانداعى سانىن انىقتاۋعا قاتىستى كەڭ اۋقىمدى زەرتتەۋلەردىڭ بولماۋى - مەملەكەتتىڭ تابيعاتتى قورعاۋ جانە قالپىنا كەلتىرۋ شارالارى بويىنشا ۇستانىمىن قالىپتاستىرۋعا مۇمكىندىك بەرمەيدى، - دەدى مينيستر بۇگىنگى ۇكىمەت وتىرىسىندا.
وسىعان بايلانىستى، مينيسترلىك يتەلگىنىڭ قازىرگى سانىن زەرتتەۋ جانە ونى قورشاعان ورتاعا جىبەرۋدىڭ تيىمدىلىگىن باعالاۋ ءۇشىن 2025-2027 -جىلدارعا ارنالعان ەكى عىلىمي-تەحنيكالىق باعدارلاما ازىرلەگەن. قازىر جوعارى عىلىمي- تەحنيكالىق كوميسسيانىڭ وتىرىسىندا وسى باعدارلامالاردىڭ قارالۋى كۇتىلۋدە.
- سۇڭقار پوپۋلياتسياسىن ءتيىمدى قالپىنا كەلتىرۋ ءۇشىن جەك- دۋاداق ۇلگىسىندە سۇڭقار ءوسىرۋ ورتالىعىن قۇرۋ قاجەت. قازىرگى ۋاقىتتا ءبىز بۇل ماسەلەنى حالىقارالىق سەرىكتەستەرمەن بىرلەسىپ قاراستىرۋدامىز، - دەدى ەكولوگيا ءمينيسترى.
