قازاقستاندا تۇسىنىكسىز بايلىققا تالاپ ەنگىزىلمەك

استانا. KAZINFORM - الەمدە اكتيۆتەردى قايتارۋ ءۇشىن قولدانىسقا ەنگىزىلگەن جاڭا مودەلدىڭ ءبىرى قازاقستاندا دا جۇزەگە اسىرىلماق.

байлық
Фото: Pixabay

بۇل جايىندا Jibek Joly تەلەارناسىنىڭ «قايتارىلۋى ءتيىس» دەرەكتى فيلمىندە باس پروكۋراتۋرا جانىنداعى اكتيۆتەردى قايتارۋ كوميتەتىنىڭ ءتوراعاسى نۇرداۋلەت سۇيىندىكوۆ ايتتى.

قازاقستان پرەزيدەنتى قاسىم-جومارت توقايەۆ زاڭسىز الىنعان اكتيۆتەردى ەلگە قايتارۋ قاجەتتىگى جايىندا 2022 -جىلدىڭ اقپانىندا وتكەن ۇكىمەتتىڭ كەڭەيتىلگەن وتىرىسىندا ايتقان بولاتىن. بۇل باستامانىڭ ماقساتى - بيزنەس ورتادا دۇرىس باسەكەنى جانە ەلدەگى جالپى ەكونوميكالىق احۋالدى كۇشەيتۋ.

2023 -جىلدىڭ شىلدەسىندە مەملەكەت باسشىسى «زاڭسىز الىنعان اكتيۆتەردى مەملەكەتكە قايتارۋ تۋرالى» زاڭعا قول قويدى.

فيلمدە باس پروكۋراتۋرا جانىنداعى اكتيۆتەردى قايتارۋ كوميتەتىنىڭ ءتوراعاسى نۇرداۋلەت سۇيىندىكوۆ بۇگىندە جۇمىستىڭ قارقىندى جۇرگىزىلىپ جاتقانىن ايتادى. قازىردىڭ وزىندە ناقتى ناتيجە بار. ءسوز 1,5 تريلليون تەڭگە سوماسىنا قايتارىلعان اكتيۆتەر جايىندا بولىپ وتىر. سونىمەن قاتار ول اكتيۆتەردى قايتارۋ كوميتەتى تۇسىنىكسىز بايلىققا قاتىستى العاشقى تالاپتىڭ جانە سوت شەشىمىنىڭ شىعارىلعانىن اتاپ وتەدى.

«الەمدە اكتيۆتەردى قايتارۋدىڭ بىرنەشە مودەلى بار. سوڭعىسى جانە جاڭالارىنىڭ ءبىرى تۇسىنىكسىز بايلىققا تالاپ دەپ اتالادى. بۇل مەملەكەتتىڭ بەلگىلى ءبىر تۇلعانىڭ قانداي دا ءبىر مۇلىكتى زاڭدى يەلەنۋىنە قاتىستى اقىلعا قونىمدى نارازىلىعىنا بايلانىستى. ال سۋبەكت ونى زاڭدى تۇردە العانىن دالەلدەۋى ءتيىس. ەگەر ول ونى دالەلدەي الماسا، وندا بۇل مۇلىككە سوت شەشىمىمەن تۇسىنىكسىز بايلىق مارتەبەسى بەرىلەدى جانە مەملەكەت كىرىسىنە قايتارىلادى. مىنە وسىنداي تالاپ نەگىزىندە سوت شەشىمى كۇشىنە ەنگەن قازاقستاندا ءبىرىنشى جاعداي بار. سوعان وراي تاياۋ ۋاقىتتا مەملەكەت كىرىسىنە شامامەن 11000000 دوللار قايتارىلادى. مۇنان بولەك، شامامەن 1 ميلليون دوللارعا مۇلىك، ونىڭ ىشىندە برەند زاتتار بار»، - دەدى ول.

ق ر پرەزيدەنتى اكىمشىلىگىنىڭ باسشىسى ايبەك دادەبايدىڭ اتاپ وتۋىنشە، بۇل ەلىمىز ءۇشىن تەڭدەسسىز تاجىربيە سانالادى. اتالعان تاجىريبە بەدەلدى حالىقارالىق ۇيىمدار مەن سەرىكتەس ەلدەر تاراپىنان دا قولداۋ تاۋىپ وتىر.

اۆتور

مارلان جيەمباي

سوڭعى جاڭالىقتار