قازاقستاندا تاعى 8 شەتەلدىك ج و و فيليالى اشىلادى

квинс университеті
Фото: Queen's University ресми сайты

استانا. KAZINFORM – ق ر عىلىم جانە جوعارى ءبىلىم ءمينيسترى ساياسات نۇربەك قازاقستاندا شەتەلدىك ج و و فيليالدارىن اشۋ جۇمىستارى قالاي ءجۇرىپ جاتقانىن باياندادى.

«مەملەكەت باسشىسى 2025 -جىلعا قاراي ەلىمىزدە بەدەلدى شەتەلدىك ۋنيۆەرسيتەتتەردىڭ كەمىندە 5 فيليالىن اشۋدى تاپسىرعان بولاتىن. قازىرگى تاڭدا 20 جۋىق مىقتى شەتەلدىك ۋنيۆەرسيتەت قازاقستانعا شاقىرىلدى. بيىل جاڭا وقۋ جىلىندا تاعى 8 فيليال اشىلادى»، - دەدى س. نۇربەك ورتالىق كوممۋنيكاتسيالار قىزمەتىندە.

ايتا كەتەيىك، ەلىمىزدە 2021 -جىلدان باستاپ الەمدىك جوعارى وقۋ ورىندارىنىڭ 14 فيليالى جۇمىس ىستەۋدە.

2029 -جىلعا قاراي ەلدەگى شەتەلدىك ج و و فيليالدارى ەل ەكونوميكاسىنا قاجەتتى 2000-نان استام جوعارى بىلىكتى مامان دايارلايدى دەپ كۇتىلۋدە.

مينيسترلىكتىڭ حابارلاۋىنشا، ءال-فارابي اتىنداعى قازاق ۇلتتىق ۋنيۆەرسيتەتى بازاسىندا ينجەنەرلىك سالادا ماگيسترلەردى دايارلاۋ بويىنشا سولتۇستىك-باتىس پوليتەحنيكالىق ۋنيۆەرسيتەتىنىڭ (ق ح ر)، ق. ساتبايەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتىنىڭ بازاسىندا - گونكونگ قالاسى ۋنيۆەرسيتەتىنىڭ فيليالىن اشۋ قاراستىرىلعان.

م. دۋلاتي اتىنداعى تاراز وڭىرلىك ۋنيۆەرسيتەتىنىڭ بازاسىندا د. ي. مەندەلەيەۆ اتىنداعى رەسەي حيميا- تەحنولوگيالىق ۋنيۆەرسيتەتىنىڭ فيليالى اشىلادى.

وڭتۇستىك قازاقستان پەداگوگيكالىق ۋنيۆەرسيتەتى بازاسىندا - گازي ۋنيۆەرسيتەتى (تۇركيا) فيليالى؛ استانا حالىقارالىق ۋنيۆەرسيتەتى بازاسىندا - بەيجىڭ تىلدەر جانە مادەنيەت ۋنيۆەرسيتەتى (ق ح ر) فيليالى؛ نارحوز ۋنيۆەرسيتەتى بازاسىندا كۆينس ۋنيۆەرسيتەتىنىڭ (يرلانديا) فيليالى اشىلماق.

سونداي-اق، وڭتۇستىك كورەيانىڭ كايست جانە ۆۋسونگ ۋنيۆەرسيتەتتەرىمەن ىنتىماقتاستىق جۇمىسى ءجۇرىپ جاتىر.

بۇدان بولەك، ەلىمىزدە ءۇش شەتەلدىك مىقتى ۋنيۆەرسيتەتتىڭ تولىققاندى كامپۋستارى ەسىگىن اشادى.

شەتەلدىك ۋنيۆەرسيتەتتەر قازاقستانعا ينۆەستيتسيا سالىپ، عيمارات سالادى نەمەسە ونى ساتىپ الادى جانە بريتاندىق فورماتپەن نەمەسە شەتەلدىك فورماتپەن وقىتۋدى باستايدى.

«الماتىداعى De Montfort University- ءدىڭ العاشقى تۇلەكتەرى كەلەسى جىلى وقۋدى بىتىرەدى. سونداي-اق، 16-قىركۇيەكتە استانادا بريتاندىق Coventry University ۇلكەن كامپۋسى اشىلادى. بۇدان بولەك، تۇركىستان قالاسىندا وڭتۇستىك كورەيالىق ۆۋسونگ ۋنيۆەرسيتەتىنىڭ كامپۋسى اشىلادى. وسى ءۇش شەتەلدىك ۋنيۆەرسيتەتتىڭ ەرەكشەلىكتەرى - ونى بىتىرگەن تۇلەكتەر بريتان، كارىس ديپلومىن الىپ، سول ەلدەردە تولىققاندى جۇمىس ىستەي الادى»، - دەدى مينيستر.

اۆتور

ايجان سەرىكجان قىزى

سوڭعى جاڭالىقتار