قازاقستاندا قايتىس بولعان ادامداردى ورتەۋگە ارنالعان كەشەن سالىنادى

استانا. KAZINFORM - دەنساۋلىق ساقتاۋ ءمينيسترى «زيراتتار مەن جەرلەۋ وبەكتىلەرىنە قويىلاتىن سانيتاريالىق- ەپيدەميولوگيالىق تالاپتار» سانيتاريالىق قاعيدالارىنا تۇزەتۋلەر ازىرلەدى.

اشىق ن ق ا پورتالىنا ورنالاستىرىلعان تۇزەتۋلەرگە سايكەس، كولۋمبارييلەر مەن قايتىس بولعان ادامداردىڭ كۇلى بار جاشىكتەردى جەرلەۋگە ارنالعان قايعى قابىرعالارى ارنايى بولىنگەن جەر ۋچاسكەلەرىنە ورنالاستىرىلۋى كەرەك. كولۋمبارييلەر مەن قايعى قابىرعالارىن زيراتتار اۋماعىنان تىس جەرلەردە تۇرعىن ۇيلەردەن، ەمدەۋ، بالالار، ءبىلىم بەرۋ، سپورتتىق- ساۋىقتىرۋ، مادەني-اعارتۋ مەكەمەلەرىنىڭ، باۋ-باقشا سەرىكتەستىكتەرىنىڭ، كوتتەدجدىك قۇرىلىستاردىڭ، حالىقتى الەۋمەتتىك قامسىزداندىرۋ مەكەمەلەرىنىڭ اۋماقتارىنان كەمىندە 50 مەتر قاشىقتىقتا وقشاۋلانعان جەر ۋچاسكەلەرىندە ورنالاستىرۋعا بولادى. كرەماتسيادان كەيىنگى قالدىقتاردى (كۇلدى) ۋرنالارعا كومۋگە كولۋمبارييلەردە جانە قابىرلەردە جول بەرىلەدى.

كرەماتورييلەر جانە كولۋمبارييلەر قۇرامىندا ءۇي-جايلاردىڭ مىناداي توپتارى كوزدەلەدى:

- قايتىس بولعان ادامداردى تامبۋرمەن، ۆەستيبيۋلمەن، توڭازىتقىش كامەرامەن قابىلداۋ ءۇي-جايلارى جانە قايتىس بولعان ادامداردى كرەماتسيالاۋعا دەيىن ساقتاۋعا ارنالعان ءۇي-جايلار؛

- قايتىس بولعان ادامداردى كرەماتسيالاۋعا، كرەماتسيا زالى، كرەماتسيالانعان قالدىقتاردى وڭدەۋ ءۇي-جايى، كۇلى بار جاشىكتەر قويماسى، گاز تازارتۋ ءۇي-جايى، جوندەۋ شەبەرحاناسى، ينجەنەرلىك-تەحنيكالىق قىزمەت ءۇي-جايلارى، سانيتاريالىق- تەحنيكالىق ءۇي- جايلارى، دەمالىس جانە پسيحولوگيالىق تۇرعىدان جەڭىلدەنۋ بولمەسى بار وڭدەۋگە جانە ساقتاۋعا ارنالعان ءۇي- جايلار.

كرەماتورييلەردىڭ قۇرامىنا كىرەتىن بارلىق ءۇي- جايلاردى مەحانيكالىق ىنتالاندىرۋمەن جابدىقتاۋ جانە شىعارۋ جەلدەتۋ جۇيەلەرىمەن جابدىقتاۋ قاجەت. اۋانى قايتا وڭدەۋ جۇيەلەرىن قولدانۋعا جول بەرىلمەيدى.

كرەماتوري - قايتىس بولعان ادامداردى كرەماتسيالاۋعا (ورتەۋگە) ارنالعان پەشتەرمەن جابدىقتالعان تەحنولوگيالىق كەشەن.

كولۋمباري - قايتىس بولعان ادامداردى كرەماتسيالاۋدان كەيىنگى كۇلى بار جاشىكتەردى ساقتاۋ ورنى.

قۇجات 2 -جەلتوقسانعا دەيىن قوعامدىق تالقىلاۋعا شىعارىلىپ وتىر.

وسىعان دەيىن ەلوردادا كرەماتوري قۇرىلىسى باستالعانى تۋرالى جازدىق.

اۆتور

مارلان جيەمباي