قازاقستاندا قاسقىر، شيبورى اۋلاۋعا رۇقسات بەرىلدى

استانا. KAZINFORM - ەلىمىزدە بۇگىننەن باستاپ جىل سوڭىنا دەيىن قاسقىر، شيبورىنى اۋلاۋعا بولادى.

 Қазақстанда қасқыр, шибөрі аулауға рұқсат берілді
Фото: Pixabay.com

- 2025 -جىلدىڭ 15-قاڭتارىنان باستاپ ساعات 10:00- دەن باستاپ سانىن رەتتەۋگە جاتاتىن جانۋارلاردى (قاسقىر، شيبورى) اۋلاۋعا رۇقسات الۋ مۇمكىندىگى قولجەتىمدى. بيولوگيالىق نەگىزدەمەگە سايكەس جانۋارلار سانىن رەتتەۋ مەرزىمى 2025 -جىلعى 31 -جەلتوقسانعا دەيىن بەكىتىلگەن، - دەپ حابارلايدى ەكولوگيا جانە تابيعي رەسۋرستار مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى.

دەگەنمەن جانۋارلار دۇنيەسى كوميتەتى اقمولا، باتىس قازاقستان، قاراعاندى، قوستاناي، ماڭعىستاۋ، پاۆلودار جانە ۇلىتاۋ وبلىسىندا قاسقىر مەن شيبورىنى اتۋعا تەك ءۇي جانۋارلارىنا شابۋىل جاسالعانى دالەلدەنگەن جاعدايدا عانا رۇقسات بەرىلەتىنىن ەسكەرتتى.

جانۋارلار سانىن رەتتەۋگە رۇقسات الۋ ءراسىمى قازاقستان رەسپۋبليكاسى ەكولوگيا، گەولوگيا جانە تابيعي رەسۋرستار ءمينيسترىنىڭ 2020 -جىلعى 30-جەلتوقسانداعى № 347 «سانى رەتتەۋگە جاتاتىن جانۋارلار تۇرلەرىن الىپ قويۋعا رۇقسات بەرۋ» مەملەكەتتىك كورسەتىلەتىن قىزمەت قاعيدالارىن بەكىتۋ تۋرالى بۇيرىعىمەن رەگلامەنتتەلگەن.

ايتا كەتەيىك، ەلىمىزدە اڭ اۋلاۋ قىزمەتى تولىعىمەن (www.elicense.kz ۆەب- پورتالى) اۆتوماتتاندىرىلعان.

ەسكە سالا كەتسەك، اۋىلدىق جەرلەردە قاسقىردىڭ مالعا شابۋىل جاساۋ جايتتارى تىركەلىپ تۇرادى. ايتار بولساق، اتىراۋ وبلىسىندا شارۋا قوجالىعىنىڭ جۇمىسشىسىنا قاسقىر شاپتى.

سونداي-اق اقتوبە وبلىسى مارتوك اۋدانىندا شارۋا قوجالىعىنداعى مالعا قاسقىر شاپتى.

داۋلەت ىزتىلەۋ

اۆتور

سوڭعى جاڭالىقتار