قازاقستاندا مىڭنان استام اۋىلدا ينتەرنەت جوق

استانا. قازاقپارات- ەلدەگى مىڭنان استام اۋىل ينتەرنەتپەن قامتىلماعان. وندا ءتىپتى ۇيالى بايلانىسپەن دە ۇندەسۋ قيىن.

دەگەنمەن 2027 -جىلعا دەيىن شالعاي ايماقتاردى جوعارى جىلدامدىقتى عالامتورمەن قامتۋ ءىسى شەشىمىن تابادى. بۇل جايلى باس قالادا وتكەن بريفينگتە بايلانىس جوبالارىن دامىتۋ جانە مونيتورينگىلەۋ باسقارماسىنىڭ باسشىسى ازامات سەرىكتايەۆ مالىمدەدى.

ايتۋىنشا، قازىر 2800 ەلدى مەكەن 3G مەن، 2045 اۋىل 4G جىلدامدىقتى ينتەرنەت قامتىلعان. ال 5G بايلانىسى الىپ قالالاردا عانا قولجەتىمدى.

ازامات سەرىكتايەۆ، ق ر س د ي ا و م بايلانىس جوبالارىن دامىتۋ جانە مونيتورينگىلەۋ باسقارماسىنىڭ باسشىسى:

- 2600 استام اۋىلدا تالشىقتىق وپتيكالىق بايلانىس جەلىلەرى قولجەتىمدى جانە 1950 استام اۋىلدا مىس سىمدارى ارقىلى ينتەرنەت قولجەتىمدى. وپتيكالىق جەلىلەر تارتىلعان 1123 اۋىلدا جەرگىلىكتى جەلىلەر سالۋ كوزدەلىپ وتىر. ودان بولەك ءىرى قالالاردا 5G موبيلدى جۇيەسىن ەنگىزۋ جۇمىستارى جۇرگىزىلىپ جاتىر.

24.kz