قازاقستاندا كولىكتى تەحنيكالىق تەكسەرۋدىڭ ءبىرىڭعاي وپەراتورى اۋىستى

استانا. KAZINFORM - ەلىمىزدە مەحانيكالىق كولىك قۇرالدارى مەن ولاردىڭ تىركەمەلەرىن مىندەتتى تەحنيكالىق بايقاۋدىڭ ءبىرىڭعاي اقپاراتتىق جۇيەسىنىڭ جاڭا وپەراتورى بەكىتىلدى.

كولىك مينيسترلىگى «قازاۆتوجولدى» ءبىرىڭعاي تەحنيكالىق بايقاۋ وپەراتورى ەتىپ بەكىتتى.

- كولىك ءمينيسترىنىڭ بۇيرىعىنا سايكەس «قازاۆتوجول» ۇ ك ا ق تەحنيكالىق بايقاۋ اقپاراتتىق جۇيەسىنىڭ ءبىرىڭعاي وپەراتورى بولىپ بەكىتىلدى. بۇگىنگى تاڭدا «ۇ ا ت» ا ق- دان وكىلەتتىكتەردى بەرۋ بولىگىندەگى ءىس-شارالاردى قامتيتىن جول كارتاسى ازىرلەندى. پروتسەسس ءجۇرىپ جاتىر، - دەيدى مينيسترلىكتىڭ باسپا ءسوز قىزمەتى.

ەسكە سالا كەتەيىك، بۇعان دەيىن باسقا مەملەكەتتە تىركەلگەن شەتەلدىك اۆتوكولىكتەر قازاقستاننىڭ اۋماعىنا اكەلىنىپ، 90 كۇنتىزبەلىك كۇن اسقان بويدا مىندەتتى تەحنيكالىق بايقاۋدان وتكىزىلۋ ءتيىس ەكەنىن جازعان بولاتىنبىز.

اۆتور

باقىتگۇل اباي قىزى