قازاقستاندا ءبىرىڭعاي ۋاقىت بەلدەۋىنىڭ ادامدارعا اسەرى تۋرالى زەرتتەۋ بولادى
استانا. KAZINFORM - عىلىم جانە جوعارى ءبىلىم ءمينيسترى ساياسات نۇربەك ءبىرىڭعاي ۋاقىت بەلدەۋىنىڭ ەل حالقىنا اسەرى تۋرالى زەرتتەۋگە قاتىستى تۇسىنىك بەردى.
ونىڭ ايتۋىنشا، وسى ماسەلەگە قاتىستى الداعى ۋاقىتتا زەرتتەۋ ۇيىمداستىرىلادى. بۇل تۇرعىدا جەتەكشى ينستيتۋتتاردى، سونىڭ ىشىندە گەوگرافيا ينستيتۋتىن، سونداي-اق زەرتتەۋدىڭ فيزيولوگيالىق جانە مەديتسينالىق اسپەكتىلەرىمەن اينالىساتىن دەنساۋلىق ساقتاۋ مينيسترلىگىنىڭ ينستيتۋتتارىن تارتۋ جوسپارلانعان.
«جوعارى عىلىمي-تەحنيكالىق كوميسسيا جاقىن ارادا ءوزىنىڭ وتىرىسىن وتكىزەدى جانە ونىڭ بارىسىندا وسى تاقىرىپ قارالادى. ەگەر بۇل باستاماعا قولداۋ جاسالسا، وندا بىردەن كونكۋرس جاريالاپ، زەرتتەۋگە كىرىسەمىز»، - دەدى س. نۇربەك سەناتتا تىلشىلەر سۇراعىنا جاۋاپ بەرە وتىرىپ.
ەسكە سالا كەتەيىك، 1 -ناۋرىزدان باستاپ قازاقستاندا ۋاقىت ءبىر ساعات ارتقا جىلجىدى.
وسىدان كەيىن وزگەرىسكە قارسى شىققان قازاقستاندىقتار بۇرىن قولدانىستا بولعان ۋاقىت بەلدەۋىن قايتارۋ جونىندەگى پەتيتسيا جاريالادى.
بيىل قىركۇيەك ايىندا شىعىس قازاقستان وبلىسىنىڭ اكىمى ەرمەك كوشەربايەۆ جاڭا ۋاقىت بەلدەۋىنىڭ وبلىس تۇرعىندارىنىڭ تۇرمىسىنا قالاي اسەر ەتكەنى تۋرالى پىكىر ءبىلدىردى.
اۆتور
رۋسلان عابباسوۆ
