قازاقستاندا بەس مىڭعا جۋىق دارىگەر جەتىسپەيدى

استانا. قازاقپارات - ەلدە 5 مىڭعا جۋىق دارىگەر جەتىسپەيدى. اۋىلدىق جەردە 1 مىڭنان، قالادا 3 مىڭنان استام ورىن بوس تۇر. بۇل تۋرالى دەنساۋلىق ساقتاۋ ءبىرىنشى ۆيتسە- ءمينيسترى ءمالىم ەتتى.

تيمۋر سۇلتانعازيەۆ ايتۋىنشا، پەدياترلار، كارديولوگتار، پسيحياترلار جانە رەابيليتولوگتار جەتىسپەيدى. سونىمەن قاتار تەراپيەۆتەر، رەنتگەنولوگتار، انەستەزيولوگ-رەانيماتولوگتار، حيرۋرگتار جانە اكۋشەر- گينەكولوگتارعا سۇرانىس ارتقان.

ايتا كەتۋ كەرەك، ەلىمىزدە مەديتسينالىق ۇيىمدارىندا ءتۇرلى بەيىندەگى 81 مىڭ دارىگەرلەر ەڭبەك ەتەدى. ولاردىڭ جالپى سانى 271 مىڭنان اسادى.

تيمۋر سۇلتانعازيەۆ، قر دەنساۋلىق ساقتاۋ ءبىرىنشى ۆيتسە- ءمينيسترى:

- دارىگەرلەردىڭ تاپشىلىعىن شەشۋ ماڭىزدى ماسەلە. مۇنىڭ شەشىمى تابىلادى دەپ ويلايمىن. مەديتسينا ماماندارىنىڭ سانىن كوبەيتۋ، ولاردىڭ ەڭبەك جاعدايىن جاقسارتۋ اسىرەسە شالعاي جانە اۋىلدىق ەلدى مەكەندەردەگى ەڭبەكتى ىنتالاندىرۋ شارالارىن قابىلداۋىمىز كەرەك.