قازاقستاندا بەس جۇلدىزدى قوناقۇيدىڭ ورتاشا باعاسى - تاۋلىگىنە 55 مىڭ تەڭگە
استانا. KAZINFORM - قازاقستاندا قوناقۇي سانى 2237-گە جەتتى، بۇل بىلتىرعى جىلمەن سالىستىرعاندا 36-عا ارتىق. بۇل جايىندا ۇلتتىق ستاتبيۋرودان حابارلاندى.

ەڭ كوپ قوناقۇي الماتى (232) جانە استانا (190) قالالارىندا، سونداي-اق قاراعاندى وبلىسىندا (139).
ەلوردادا ءبىر جىل ىشىندە مەيمانحانا سانى 12-گە ءوستى، ەڭ ۇلكەن كەمۋ قوستاناي وبلىسىندا تىركەلدى، وندا قوناقۇي سانى 11-گە قىسقارعان.
2024 -جىلدىڭ ءبىرىنشى توقسانىندا قوناقۇيلەر بارلىعى 1,4 ميلليون كەلۋشىنى قارسى الدى، كورسەتىلگەن قىزمەتتەر كولەمى 45 ميلليارد تەڭگەنى قۇرادى.
بىلتىرعى جىلمەن سالىستىرعاندا جۇلدىزدى كاتەگورياسى بار قوناقۇي سانى 6-عا قىسقارعان. بۇگىندە ولاردىڭ سانى - 117.
بەس جۇلدىزدى قوناقۇيلەر قازاقستاننىڭ 10 وڭىرىندە ورنالاسقان.
ءبىر ادامعا شاققانداعى ورتاشا تولەم - تاۋلىگىنە 55,5 مىڭ تەڭگە.
اۆتور
جانات قاپالبايەۆا