قازاقستاندا اۆتوكولىك ساتىپ الۋشىلاردىڭ سانى ارتقان

استانا. KAZINFORM - جەلتوقسان ايىندا 179,4 مىڭ بىرلىك اۆتوكولىك قۇرالى ەسەپكە قويىلدى. بۇل تۋرالى ۇلتتىق ستاتيستيكا بيۋروسى ءمالىم ەتتى.

ۇلتتىق ستاتيستيكا بيۋروسىنىڭ مالىمەتىنشە، وتكەن جىلمەن سالىستىرعاندا كورسەتكىش %44,5 ارتقان. ونىڭ ىشىندە اۆتوبۋستار %24,5، جۇك اۆتوموبيلدەرى %38 سونداي-اق جەڭىل اۆتوموبيلدەر سانىن تىركەۋ %45,2 ۇلعايعان.

2024-جىل باسىنداعى قازاقستان اۆتوپاركىنىڭ كولىكتىڭ شىعارىلعان جىلى بويىنشا كورىنىسى:

20 جىلدان اسقان - 2459 مىڭ اۆتوموبيل

10 نان 20 جىلعا دەيىن - 1265,6 مىڭ اۆتوموبيل

7 دان 10 جىلعا دەيىن - 680,7 مىڭ اۆتوموبيل

3 تەن 7 جىلعا دەيىن - 590,8 مىڭ اۆتوموبيل

3 جىلعا دەيىن - 319,7 مىڭ اۆتوموبيل

«2023-جىلدىڭ 12 اي ىشىندە 15886 جول-كولىك وقيعاسى تىركەلىپ، 22097 ادام زارداپ شەككەن. 2022 -جىلعى ءتيىستى كەزەڭمەن سالىستىرعاندا وقيعالار سانى %7,1، زارداپ شەككەندەر سانى %2,5 وسكەن» - دەلىنگەن حابارلامادا.

اۆتور

باقىتگۇل اباي قىزى