قازاقستاندا العاشقى ا ە س سالاتىن ءوڭىر بەلگىلى بولدى

استانا. KAZINFORM - ۇكىمەت باسشىسى ولجاس بەكتەنوۆ العاشقى اتوم ەلەكتر ستانساسىن سالاتىن ءوڭىر تۋرالى قاۋلىعا قول قويدى.

- قازاقستان رەسپۋبليكاسىنىڭ «اتوم ەنەرگياسىن پايدالانۋ تۋرالى» زاڭى 5-بابىنىڭ 2-تارماقشاسىنا جانە 12-بابىنىڭ 1-تارماعىنا سايكەس قازاقستان رەسپۋبليكاسىنىڭ ۇكىمەتى الماتى وبلىسىنىڭ جامبىل اۋدانى - «اتوم ەلەكتر ستانسياسى» يادرولىق قوندىرعىسى سالىناتىن اۋدان تۋرالى شەشىم قابىلدانسىن، - دەلىنگەن قاۋلىدا.

قاۋلى رەسمي جاريالانعان كۇنى، ياعني بۇگىننەن باستاپ قولدانىسقا ەنگىزىلدى.

ەسكە سالا كەتەيىك، پرەمەر-مينيستر ا ە س سالۋدا ەكونوميكالىق تيىمدىلىكتى قامتاماسىز ەتۋ قاجەت ەكەنىن ايتقان ەدى.

سونداي-اق قازاقستانداعى العاشقى ا ە س 8 جىلدىڭ ىشىندە سالىنىپ ءبىتۋى مۇمكىن ەكەنى تۋرالى جازعان بولاتىنبىز.

اۆتور

داۋلەت ىزتىلەۋ