قازاقستانعا ءىس ساپارمەن كەلگەن قىرعىزستان پرەمەر-ءمينيسترى شۇعىل تۇردە بىشكەككە ۇشىپ كەتتى

Смайылов - Жапаров
Фото: primeminister.kz

الماتى. KAZINFORM - قازاقستانعا ءىس ساپارمەن كەلگەن قىرعىزستان مينيسترلەر كابينەتىنىڭ ءتوراعاسى اقىلبەك جاپاروۆ شۇعىل تۇردە بىشكەككە ۇشىپ كەتتى.

بىشكەكتەگى ج ە و- داعى اپاتقا بايلانىستى قىرعىزستان مينيسترلەر كابينەتىنىڭ باسشىسى اقىلبەك جاپاروۆ الماتى قالاسىنداعى جۇمىس ساپارىن توقتاتىپ، ەلىنە شۇعىل تۇردە ۇشىپ كەتتى.

«قىرعىزستان مينيسترلەر كابينەتى ءتوراعاسىنىڭ ءبىرىنشى ورىنباسارى ادىلبەك قاسىمالييەۆ ەۋرازيالىق ۇكىمەتارالىق كەڭەستىڭ وتىرىسىنا جانە Digital Almaty: ح يندۋسترياسى - بولاشاقتىڭ تسيفرلىق ەۆوليۋتسياسى» اتتى تسيفرلىق فورۋمىنا قاتىسادى» ، - دەپ حابارلادى قىرعىز رەسپۋبليكاسى ۇكىمەتىنىڭ باسپا ءسوز قىزمەتى.

ايتا كەتەيىك، بۇگىن تۇندە بىشكەكتەگى جىلۋ ورتالىقتارىنىڭ بىرىندە اپات بولدى. الدىن الا مالىمەت بويىنشا، قازاندىقتاردىڭ ءبىرى جارىلعان. جارىلىس سەبەبى ازىرگە بەلگىسىز. كوپتەگەن قالا تۇرعىندارى بۇگىن تاڭەرتەڭ ىستىق سۋ تاپشىلىعىنا تاپ بولدى، سونىمەن قاتار باتارەيالاردىڭ تەمپەراتۋراسى ايتارلىقتاي تومەندەگەن.

ەنەرگەتيكا مينيسترلىگى بىشكەكتەگى جىلۋ ورتالىعىندا بولعان اپاتتى راستادى.

ۆەدومستۆونىڭ مالىمەتىنشە، بۇگىن تۇندە شامامەن ساعات 3.00-دە ج ە و اۋماعىندا جارىلىس دىبىسى ەستىلگەن. قالاداعى كەيبىر تۇرعىن ۇيلەرگە ۋاقىتشا ىستىق سۋ مەن جىلۋ بەرىلمەيدى.

اۆتور

الما مۇقانوۆا

سوڭعى جاڭالىقتار