قازاقستان يران مەن ءازىربايجانعا استىق جەتكىزۋدى قايتا باستادى
استانا. KAZINFORM – ق ر حالىقارالىق استىق نارىقتارىنداعى ءوز پوزيتسياسىن نىعايتۋدى جالعاستىرۋدا. ق ت ج دەرەكتەرى بويىنشا 2024 -جىلى 10,6 ميلليون توننا استىق تاسىمالداندى، ونىڭ ىشىندە ەكسپورت 8,1 ميلليون توننانى قۇرادى.

ەكسپورتتىق باعىتتاردىڭ ىشىندە وزبەكستان (3,3 ميلليون توننا)، قىتاي (1,7 ميلليون توننا)، تاجىكستانعا 1,2 ميلليون توننا استىق جەتكىزىلدى، بۇل 2023 -جىلمەن سالىستىرعاندا %20 عا ارتىق. قىرعىزستانعا 140 مىڭ توننا استىق ەكسپورتتالدى، بۇل 2023 -جىلعى كورسەتكىشتەن 1,9 ەسە كوپ.
يران مەن ءازىربايجان نارىقتارى قالپىنا كەلتىرىلدى. يرانعا استىق جەتكىزۋ كولەمى 2 ەسەگە (526 مىڭ توننا)، ءازىربايجانعا - 1,8 ەسەگە (211 مىڭ توننا) ءوستى.
- 2024 -جىلدىڭ قىركۇيەگىنەن جەلتوقسانىنا دەيىن 5 ميلليون توننا جاڭا استىق تاسىمالداندى، بۇل 2023 -جىلدىڭ سايكەس كەزەڭىنەن %50- عا ارتىق. ەكسپورت كولەمى %57- عا ءوسىپ، 3,9 ميلليون توننانى قۇرادى. ونىڭ ىشىندە وزبەكستانعا 1.5 ميلليون توننا (ءوسىم %45)، تاجىكستانعا - 633 مىڭ توننا (57)، اۋعانستانعا - 190 مىڭ توننا (51)، قىتايعا 592 مىڭ توننا (2 پايىز) ەكسپورتتالدى، - دەپ جازدى ق ر ا ش م- نان.
يرانعا جەتكىزىلىم 30 ەسە ارتىپ، 455 مىڭ توننانى قۇرادى، ءازىربايجانعا 188 مىڭ توننا ەكسپورتتالدى (2023 -جىلدىڭ قىركۇيەك- جەلتوقسانىندا جەتكىزىلىم بولعان جوق).
ايتا كەتەيىك، پرەزيدەنت قازاقستاننىڭ گۆينەيا-بيساۋعا ءداندى-داقىلداردى ەكسپورتتاۋ مۇمكىندىگى مول ەكەنىن ايتقان بولاتىن.
اۆتور
اسحات رايقۇل