قازاقستان تەمىر جولى ۇلتتىق كومپانياسىنىڭ قارىزى قانشا

استانا. KAZINFORM - قازاقستان تەمىر جولى ۇلتتىق كومپانياسىنىڭ وتكەن جىلعى كىرىسى 84 پايىزعا، تازا تابىس 9 ەسە ءوستى.

- سوڭعى ءتورت جىلدا قازاقستان تەمىر جولى كومپانياسىنىڭ كورسەتكىشى جاقساردى. 2023 -جىلمەن 2024 -جىلدى سالىستىرىپ قاراعاندا كىرىس 84 پايىزعا، تازا تابىس 9 ەسە ءوستى. كومپانيا بۇكىل نەسيەنى ۋاقىتىلى تولەيدى، قازىر قازاقستان تەمىر جولى كومپانياسىنىڭ بورىشى - 2,7 تريلليون تەڭگە، - دەدى «سامۇرىق-قازىنا» ا ق باسقارما مۇشەسى، ەكونوميكا جانە قارجى جونىندەگى باسقارۋشى ديرەكتورى ايدار رىسقۇلوۆ قوردا وتكەن باسپا ءسوز ءماسليحاتىندا.

ونىڭ ايتۋىنشا، قارىز ۆاگون قۇرامدارىن جاڭارتۋ مەن ينفراقۇرىلىمدى دامىتۋعا الىنعان.

بۇعان دەيىن قازاقستان تەمىر جولى كومپانياسى قوماقتى قارىزىن جابۋ ءۇشىن تاريفتى وزگەرتەتىنى تۋرالى جازعان ەدىك.

ەسكە سالايىق، بىلتىر جەلتوقساندا كولىك ءمينيسترى مارات قارابايەۆ قازاقستاندا لوكوموتيۆتەردىڭ توزۋ دەڭگەيى 61 پايىز ەكەنىن ايتتى.

ايتا كەتەيىك، قازاقستان تەمىر جولى كومپانياسى IPO- عا شىعۋعا دايىندالىپ جاتىر. ونىڭ IPO- عا شىعۋ مەرزىمى 2027-2028 -جىلدارعا اۋىسۋى مۇمكىن.

اۆتور

داۋلەت ىزتىلەۋ