قازاقستان تەك قىتايعا عانا جىلۋ بولەتىن جيناقتار ەكسپورتتايدى
استانا. KAZINFORM - قازاقستان تەك قىتايعا عانا جىلۋ بولەتىن جيناقتار ەكسپورتتايدى. بۇل تۋرالى ءۇلبى مەتاللۋرگيالىق زاۋىتىنان ءمالىم ەتتى.
«جىلۋ بولەتىن جيناقتار - ەكسپورتتىق ءونىم. ول CGN كومپانياسىنىڭ قاتىسۋىمەن تەك قىتاي حالىق رەسپۋبليكاسىنا ق ح ر اتوم ستانتسيالارىنا جەتكىزىلەدى. 2022-2023-جىلدارى ق ح ر- عا جىلۋ بولەتىن جيناقتار 5 رەت جەتكىزىلدى. تومەن بايىتىلعان ۋرانعا قايتا ەسەپتەگەندە شامامەن 150 توننا ءونىم جونەلتىلدى. قىتايدىڭ اتوم ەلەكتر ستانتسياسىنىڭ رەاكتورلارىنا ەكى جىلۋ بولەتىن جيناقتار جۇكتەلدى. ولار: قىتايدىڭ وڭتۇستىگىندەگى «ياڭجياڭ» جانە «فاڭچڭگاڭ» ستانسيالارى.
2024-جىلدىڭ شىلدە ايىنىڭ سوڭىندا جىلۋ بولەتىن جيناقتاردىڭ بارلىعى 8 جەتكىزىلىمى جۇزەگە اسىرىلدى. تومەن بايىتىلعان ۋرانعا قايتا ەسەپتەگەندە بۇل 240 توننانى قۇرايدى»، - دەلىنگەن زاۋىتتىڭ رەسمي جاۋابىندا.
ايتا كەتەيىك، جاقىن ارادا Kazinform اگەنتتىگى مەنشىكتى ءتىلشىسىنىڭ ءۇلبى مەتاللۋرگيالىق زاۋىتىنان فوتورەپورتاجى جاريالانادى.
