12:30, 19 - قاڭتار 2024 | GMT +6
قازاقستان تۇڭعىش دەربەس بىتىمگەرلىك كونتينگەنتكە قانشا اقشا جۇمسايدى
استانا. KAZINFORM - قورعانىس ءمينيسترى رۋسلان جاقسىلىقوۆ ب ۇ ۇ- نىڭ بىتىمگەرلىك ميسسياسىنا جىبەرىلەتىن تۇڭعىش دەربەس كونتينگەنتكە بيۋدجەتتەن قانشا اقشا جۇمسالاتىنىن ايتتى.
«بۇل اقشانىڭ ءبارى بيۋدجەتكە سالىنعان. جالعىز ايتۋ كەرەك دۇنيە - بيۋدجەتكە قارۋ-جاراقتى، تەحنيكانى تاسىمالداۋعا قوسىمشا قارجى سالىندى. شامامەن 8 ميلليون دوللارداي بولادى. ءبىر جىل بويىندا ءار اسكەري جاۋىنگەر اي سايىن 1 مىڭ دوللار الىپ وتىرادى»، - دەدى رۋسلان جاقسىلىقوۆ ب ا ق وكىلدەرىنىڭ سۇراعىنا بەرگەن جاۋابىندا.
ايتا كەتەيىك، پارلامەنت قازاقستاندىق اسكەريلەردىڭ ب ۇ ۇ ميسسيالارىنا قاتىسۋ تۋرالى جولداۋىن ماقۇلدادى.
اۆتور
ەسىمجان ناقتىباي
