قازاقستان تاجىكستانمەن ۇلتتىق ۆاليۋتانىڭ ءوزارا ايىرباستالۋى تۋرالى كەلىسىمدى بۇزدى
استانا. KAZINFORM - ۇكىمەتتە «ق ر ۇكىمەتى، ق ر ۇلتتىق بانكى جانە تاجىكستان ۇكىمەتى، تاجىكستان ۇلتتىق بانكى اراسىنداعى ءوزارا ايىرباستاۋدى قامتاماسىز ەتۋ جانە قازاقستاندىق تەڭگە مەن تاجىك سومونيىنىڭ باعامىن تۇراقتاندىرۋ شارالارى تۋرالى كەلىسىمنىڭ كۇشىن جويۋ جونىندە» قاۋلى قابىلداندى.
«1999 -جىلى 16-جەلتوقساندا دۋشانبەدە جاسالعان ق ر ۇكىمەتى، ق ر ۇلتتىق بانكى جانە تاجىكستان ۇكىمەتى، تاجىكستان ۇلتتىق بانكى اراسىنداعى قازاقستان تەڭگەسى مەن تاجىك سومونيىنىڭ ءوزارا ايىرباستالۋىن جانە باعامىن تۇراقتاندىرۋدى قامتاماسىز ەتۋ جونىندەگى شارالار تۋرالى كەلىسىمنىڭ كۇشى جويىلسىن»، - دەلىنگەن قۇجاتتا.
ق ر سىرتقى ىستەر مينيسترلىگىنە قازاقستان ۇكىمەتىنىڭ كەلىسىمنىڭ كۇشىن جويۋ نيەتىن زاڭنامادا بەلگىلەنگەن تارتىپپەن تاجىكستان ۇكىمەتىن حاباردار ەتۋ ۇيعارىلدى.
قاۋلى 2024 -جىلعى 22-مامىردان باستاپ كۇشىنە ەنەدى.
اۆتور
ايجان سەرىكجان قىزى
