قازاقستان ستاتي اۋلەتىمەن سوتتاسۋعا 1 ميلليارد دوللار جۇمساعانى راس پا

ادىلەت ءمينيسترى ازامات ەسقارايەۆ ستاتي ىسىنە جۇمسالاتىن اقشا قالاي بولىنەتىنىن ءتۇسىندىردى، دەپ حابارلايدى قازاقپارات ءتىلشىسى.

None
None

«قازاقستان ستاتي اۋلەتىنىڭ بيزنەسمەندەرىنە قاتىستى سوت پروتسەسىن جۇرگىزىپ جاتقانىنا 13 جىل بولدى. جۋىقتا اناتول ستاتي سۇحبات بەرىپ، كەزىندە قازاقستان 560 ميلليون دوللار وتەۋدەن باس تارتقانىن، ال 13 جىلداعى سوت پروتسەستەرىنە جۇمساعان شىعىندارى 1 ميلليارد دوللارعا جاقىنداپ قالعانىن مالىمدەدى. بۇل اقپارات راس پا؟ قازاقستاندىقتاردىڭ سالىعىنان بۇل ىسكە قانشا اقشا شىعىندالدى؟»، - دەپ سۇرادى جۋرناليست ورتالىق كوممۋنيكاتسيالار قىزمەتىندە وتكەن بريفينگىدە.

ءمينيستردىڭ ايتۋىنشا، ول مالىمەت جالعان ەكەنىن ايتتى.

«شىن مانىندە بۇل اقپاراتتى بىردەن تەرىستەي الامىن. ەشقانداي دا 1 ميلليارد دوللار شىعىن تۋرالى اڭگىمە جوق. شىن مانىندە بۇل شىندىققا جاناسپايتىن مالىمەت.

جالپى ستاتي ءىسى ءبىز ءۇشىن سونشالىق ۇلكەن ءىس ەمەس. ونى قولدان ۇلكەيتىپ كورسەتۋدىڭ قاجەتى جوق. بۇل - قالىپتى تورەلىك داۋ، قاتارداعى كوپ ىستەردىڭ ءبىرى. بىزدە ونداي ىستەر كوپ. كوپ ەمەس، ونداي بىرنەشە ءىس بار. شىعىندار تۋرالى ايتساق، جىل سايىن بيۋدجەتكە اشىق تۇردە ەنگىزىلىپ، رەسپۋبليكالىق بيۋدجەتپەن قابىلدانادى. ال پارلامەنت رەسپۋبليكالىق بيۋدجەتتى اشىق تارتىپپەن قابىلدايتىنىن بىلەسىز. بۇل تۇرعىدا جابىق اقپارات جوق»، - دەدى ۆەدومستۆو باسشىسى.

اۆتور

ەسىمجان ناقتىباي

سوڭعى جاڭالىقتار