قازاقستان پرەزيدەنتى گ ف ر فەدەرالدىق كانسلەرى ولاف شولتسپەن تەلەفون ارقىلى سويلەستى
استانا. KAZINFORM - گەرمانيا تاراپىنىڭ باستاماسىمەن وتكەن اڭگىمەلەسۋ بارىسىندا قاسىم-جومارت توقايەۆ پەن ولاف شولتس ەكىجاقتى قاتىناستاردىڭ پراكتيكالىق ماسەلەلەرىن تالقىلادى.
اتاپ ايتقاندا، مەملەكەت باسشىسىنىڭ بىلتىر قىركۇيەك ايىندا بەرلينگە جاساعان رەسمي ساپارى بارىسىندا قول جەتكىزىلگەن ۋاعدالاستىقتاردى جۇزەگە اسىرۋعا باسا ءمان بەرىلدى.
تاراپتار ساۋدا- ەكونوميكالىق ىقپالداستىق قارقىنى جوعارى ەكەنىنە ەرەكشە نازار اۋدارىپ، ىسكەرلىك بايلانىستاردى نىعايتۋعا جانە بىرلەسكەن ينۆەستيتسيالىق جوبالاردى ىسكە اسىرۋعا ءوزارا قىزىعۋشىلىق تانىتتى.
سونىمەن قاتار قاسىم-جومارت توقايەۆ پەن ولاف شولتس وڭىرلىك جانە جاھاندىق كۇن تارتىبىندەگى وزەكتى ماسەلەلەر جونىندە پىكىر الماسىپ، ەكى ەلدىڭ حالىقارالىق ارەناداعى كۇش-جىگەرىن ۇيلەستىرۋدىڭ ماڭىزدىلىعىنا نازار اۋداردى. وسى ورايدا تاراپتار الداعى ۋاقىتتا استانادا «ورتالىق ازيا - گەرمانيا» فورماتىندا وتەتىن جوعارى دەڭگەيدەگى كەزدەسۋدىڭ ءمانى زور ەكەنىن اتاپ ءوتتى.
اۆتور
باقىتگۇل اباي قىزى
