17:27, 24 - قازان 2024 | GMT +6
قازاقستان پرەزيدەنتى «بريكس پليۋس» سامميتىنە قاتىسۋشىلارمەن اڭگىمەلەستى
قازان. KAZINFORM - قاسىم-جومارت توقايەۆ قازان قالاسىندا بريكس-ءتىڭ XVI سامميتى پلەنارلىق وتىرىسىنىڭ «بريكس پليۋس» /«اۋتريچ» فورماتىنا قاتىسۋشىلار - تۇركيا پرەزيدەنتى رەجەپ تايپ ەردوعانمەن، بەلارۋس پرەزيدەنتى الەكساندر لۋكاشەنكومەن، شاڭحاي ىنتىماقتاستىق ۇيىمىنىڭ باس حاتشىسى جاڭ مينمەن جانە موڭعوليا پرەزيدەنتى اكىمشىلىگىنىڭ باسشىسى گومبوجاۆىن زاندانشاتارمەن جۇزدەستى.
بۇل تۋرالى اقوردانىڭ باسپا ءسوز قىزمەتى ءمالىم ەتتى.
ق ر پرەزيدەنتى قاسىم-جومارت توقايەۆ رەسەي فەدەراتسياسىنىڭ پرەزيدەنتى ۆلاديمير پۋتيننىڭ شاقىرۋىمەن بريكس-كە مۇشە مەملەكەتتەر باسشىلارىنىڭ XVI سامميتىنە قاتىسۋ ءۇشىن قازان قالاسىنا جۇمىس ساپارىمەن بارعان بولاتىن.
مەملەكەت باسشىسى بريكس سامميتىنە قاتىسۋشىلارمەن ءبىرقاتار كەزدەسۋ وتكىزدى.
