قازاقستان رەسەي مەن بەلارۋسكە كەدەندىك باج سالىعىن ۋاقىتشا رۋبلمەن اۋدارادى
استانا. KAZINFORM - ءماجىلىس ەۋرازيالىق ەكونوميكالىق وداق تۋرالى شارتقا مۇشە مەملەكەتتەر اراسىنداعى شەتتەن اكەلىنگەن كەدەندىك باج سالىعى سومالارىن اۋدارۋ تارتىبىنە وزگەرىستەر ەنگىزۋ جونىندەگى زاڭدى قابىلدادى.
ۇلتتىق بانك ءتوراعاسى تيمۋر سۇلەيمەنوۆتىڭ ايتۋىنشا، زاڭ ە ا ە و تۋرالى شارتقا رەسەي فەدەراتسياسىمەن جانە بەلارۋس رەسپۋبليكاسىمەن كەدەندىك باج سالىعى بويىنشا ەسەپ ايىرىسۋ تەتىگىن ۋاقىتشا رەسەي رۋبلىنە كوشىرۋ مەرزىمى ەكى جىل بولىپ بەلگىلەنەتىن وزگەرىستەر ەنگىزەدى.
- بۇل شەشىم رەسەي فەدەراتسياسى مەن بەلارۋس رەسپۋبليكاسىنا قارسى سالىنعان سانكسيالىق شەكتەۋلەرگە بايلانىستى ا ق ش دوللارىمەن ەسەپ ايىرىسۋدىڭ مۇمكىن ەمەستىگى سەبەپتى قابىلداندى. بۇل رەتتە كەدەندىك باج سالىعى سومالارىن ەلدەردىڭ بيۋدجەتتەرىنە ءبولۋ جانە اۋدارۋ مەحانيزمى وزگەرىسسىز قالدى، - دەدى ول.
ۇلتتىق بانك ءتوراعاسىنىڭ ايتۋىنشا، قابىلدانعان مەحانيزم ە ا ە و مۇشە مەملەكەتتەرىنىڭ بيۋدجەتتەرىنە كەدەندىك باج سالىعىن تۇراقتى اۋدارۋدى قامتاماسىز ەتتى.
ايجان سەرىكجان قىزى
اۆتور
