قازاقستان - قىتايلىق تۋريستەر ءۇشىن جاڭا باعىت

Туризм
Фото: Фото: Мақсат Шағырбаев/Kazinform

بەيجىڭدەگى ەڭ تارالىمى كوپ «Beijing Daily» گازەتى 19- كۇنى قىتاي مەن قازاقستان اراسىنداعى تۋريزم سالاسىنىڭ دامىپ كەلە جاتقانى تۋرالى ماقالا جاريالادى، دەپ حابارلايدى Kazinform.

ماقالادا قازاقستاندىق «ەير استانا» اۋە كومپانياسىنىڭ قىتاي- قازاقستان اراسىنداعى تىكەلەي رەيس وتكىزۋ مۇمكىندىگىنىڭ تۇراقتى تۇردە ارتقانىن جازعان. قازىرگى ۋاقىتتا بەيجىڭ، استانا جانە الماتى اراسىندا ەكى جاققا تىكەلەي رەيستەر بار. بۇل رەتتە ۇرىمجىدەن استانا مەن الماتىعا قاتىنايتىن باعىتتار دا جاقىن ارادا تولىق قالپىنا كەلتىرىلمەك.

«Beijing Daily» گازەتى قازاقستاننىڭ ەكى ەل اراسىنداعى ازاماتتىق اۆياتسيا باعىتتارىن قالپىنا كەلتىرۋدى بەلسەندى تۇردە ىلگەرىلەتۋى بۇل ەلدىڭ قىتايدىڭ تۋريستىك الەۋەتىنە وپتيميستىك كوزقاراسپەن قارايتىنىن جانە وسىلايشا تۋريزم يندۋسترياسىندا كورشىلەس ەلمەن بايلانىسىن نىعايتۋعا ۇمىتتەنەتىنىن كورسەتەدى دەپ اتاپ كورسەتتى.

اۆتور «ءبىر بەلدەۋ، ءبىر جول» باستاماسىنا ەڭ بەلسەندى قاتىسۋشى ەلدەر رەتىندە قازاقستان مەن قىتايدىڭ ءارتۇرلى سالالارداعى ىنتىماقتاستىعى تىعىز دامىپ كەلە جاتقانىنا توقتالعان. سونىمەن قاتار ەكى ەل اراسىنداعى ۆيزاسىز رەجيمنىڭ جۇزەگە اسىرىلۋى ارقىلى قازاقستان قىتايلىق تۋريستەر ءۇشىن شەتەلگە ساياحاتتاۋدىڭ ماڭىزدى تاڭداۋلارىنىڭ بىرىنە اينالادى دەپ بولجانىپ وتىر.

ايتا كەتەيىك، «Beijing Daily» - قىتاي حالىق رەسپۋبليكاسىنىڭ بەيجىڭ قالاسىنداعى كۇندەلىكتى شىعاتىن ايماقتىق باسىلىم. 1952 -جىلى 1 -قازاندا قۇرىلعان جانە ەڭ كوپ تارالىمى بار جەرگىلىكتى گازەت.

اۆتور

مۇحتار مۇرات

سوڭعى جاڭالىقتار