قازاقستان- قىتاي تاۋار اينالىمى 24 پايىزعا ارتتى
استانا. قازاقپارات - جىل باسىنان بەرى قازاقستان- قىتاي اراسىنداعى تاۋار اينالىمى % 24 ارتتى، دەپ حابارلايدى «حابار 24».
8 ايدىڭ قورىتىندىسى بويىنشا بۇل كورسەتكىش 25 ميلليارد ا ق ش دوللارىنان استى. بۇل تۋرالى قىتايدىڭ الماتىداعى باس كونسۋلى حابارلادى. وعان «ءبىر بەلدەۋ، ءبىر جول» ەكونوميكالىق- ىنتىماقتاستىق باستاماسى دا سەپتىگىن تيگىزىپ وتىر.
جوباعا بيىل 10 جىل تولدى. سونداي- اق كورشى ەلمەن ساۋدا- ساتتىقتىڭ وسۋىنە ليانيۋنگان قالاسىنداعى قىتاي- قازاقستان لوگيستيكالىق ىنتىماقتاستىق بازاسىنىڭ ۇلەسى دە كوپ. قازاقستان- قىتاي لوگيستيكالىق تەرمينالىنىڭ اۋماعى - 220 مىڭ شارشى مەتر. جىل باسىنان بەرى شىعىس ازيا ەلدەرىنەن 15 مىڭعا جۋىق ۆاگون قابىلداسا، ورتالىق ازيا ەلدەرىنىڭ جۇكتەرى تيەلگەن 6 مىڭنان استام كونتەينەردى تەڭىز ارقىلى شەتەلگە جىبەرگەن. ال ءبىزدىڭ نارىققا ارنالعان تاۋارلار وسى تەرمينالدا راسىمدەلگەن سوڭ تەمىرجول ارقىلى 5 تاۋلىكتە التىنكول بەكەتىنە جەتكىزىلەدى. تەرمينالدىڭ قۇرىلعانىنا 10 جىلعا جۋىقتادى.
ەكى ەلگە ورتاق بازادا ماعجان جارقىن سىندى وتانداسىمىز ەڭبەك ەتەدى. وسىندا كەلگەنىنە ءبىر جىل بولعان مامان تەڭىز جاعاسىنداعى ىلعالدى اۋاعا بويىم ۇيرەنىپ قالدى، - دەيدى. تەرمينالدىڭ قۇرىلعانىنا 10 جىلعا جۋىقتادى. وسى ۋاقىت ارالىعىندا ەكى ەلدىڭ ساۋدا كولەمى بىرنەشە ەسە ارتىپ، تاۋار جەتكىزۋدىڭ تىكەلەي جولى قالىپتاستى.
ماعجان جارقىن، قىتاي- قازاقستان (ليانيۋنگان) لوگيستيكالىق ىنتىماقتاستىق بازاسىنىڭ مەنەدجەرى:
- كونتەينەرلەر ەكسپورتقا شىعاتىن كەزدە ونىڭ جولداما حاتتارى بولادى. ونىڭ ىشىندە ينۆويس سياقتى قۇجاتتار بولادى. سونى تەمىرجول قۇجاتتارىنا بىرىكتىرىپ، رەتتەۋ جۇمىسى، كونتەينەردى جىبەرمەس بۇرىن. تەمىرجول قاۋىپسىزدىگى جۇمىسشىلارىمەن بىرگە تەكسەرۋ جاسايمىز.
ليانيۋنگان حالىقارالىق لوگيستيكالىق پاركى شاڭحاي ىنتىماقتىستىق ۇيىمىنا مۇشە ەلدەردىڭ تەڭىزگە شىعاتىن بازاسى سانالادى. جاقىندا قازاقستان- جياڭسۋ ەكونوميكالىق- ساۋدا اينالىمى كونفەرەنتسياسىندا ەكى جوباعا قول قويىلدى. ءبىرىنشىسى - الماتى قالاسىنىڭ جانىنان ەكى ەلگە ورتاق قويما سالۋ. ەكىنشىسى - قىتاي- قازاقستان مۋلتيمودالدىق ورتاق جۇك پويىزىن اشۋ.
يان يان ش ى ۇ، (ليانيۋنگان) حالىقارالىق لوگيستيكالىق پاركىنىڭ ءبولىم باسشىسى:
- ليانيۋنگان حالىقارالىق لوگيستيكالىق پاركىنىڭ وزگە مەملەكەتتەردە 5 قويماسى بار. سونىڭ ءبىرى الماتى ماڭىندا ورنالاسادى. 7,3 گەكتارعا سالىنىپ جاتقان قويمادا ەكى ەلدىڭ تاۋارلارلى ساقتالادى. ازىرگە لوگيستيكالىق قويمانىڭ 20 مىڭ شارشى مەترى دايىن. كەلەسى جىلى تولىق پايدالانۋعا بەرىلەدى.
بيىل 8 ايدا قازاقستان مەن قىتاي اراسىنداعى تاۋار اينالىمى % 24- كە ءوسىپ، 25 ميلليارد ا ق ش دوللارىنان اسقان.
جياڭ ۆەي، ق ح ر الماتىداعى باس كونسۋلى:
- قازىر ءبىرقاتار قىتايلىق سەرىكتەستەر قازاقستانداعى جاسىل ەنەرگيانى قارجىلاندىرۋعا قىزىعۋشىلىق ءبىلدىرىپ وتىر. سوڭعى ءبىر ايدا ەكى ەلدىڭ كاسىپكەرلەرى ءبىرقاتار كەلىسىمدەرگە قول قويدى. بۇل - جاڭا باعىت.
سەرىك نارىسوۆ، شىعىستانۋشى، ديپلومات:
- ءبىز قىتايمەن قارىم- قاتىناس ورناتقاننان كەيىن نەگىزگى ساۋدا- ساتتىقتا ءبىزدىڭ قازاقستاننىڭ قىتايعا ەكسپورتىنىڭ ىشىندە وسى مۇناي، گاز تاۋارلارى بولاتىن بولسا، قازىرگى كەزدە بىزدەن ماشينا جاساۋ ءوندىرىسى تاۋارلارى، ازىق- تۇلىك، اۋىل شارۋاشىلىعى ونىمدەرى، ەت ونىمدەرى كوپتەپ سول جاققا ەكسپورتتالىپ جاتىر. قازاقستان - «ءبىر بەلدەۋ، ءبىر جول» باستاماسىن ىسكە قوسقان ءبىرىنشى ەل. سونىمەن قاتار شىعىس پەن باتىستى بايلانىستىراتىن دالىزدەگى العاشقى ايالداما بولعاندىقتان ماڭىزدى زور.
