قازاقستان قۇراماسىنىڭ باس باپكەرى كەتەتىنىن مالىمدەدى
قازاقستان قۇراماسىنىڭ باس باپكەرى ماگومەد اديەۆ رەسەيگە قايتا ورالۋ مۇمكىندىگىن جوققا شىعارمايدى، دەپ حابارلايدى Sports.kz.
46 جاستاعى مامان قازاقستان قۇراماسىن 2022-جىلدىڭ ءساۋىر ايىنان بەرى باسقارىپ كەلەدى. بۇعان دەيىن ول «احمات»، «انجي» جانە باسقا دا رەسەيلىك كلۋبتاردا جۇمىس ىستەگەن.
21-ناۋرىزدا قازاقستان قۇراماسى ەۋرو-2024-كە قاتىسۋ ءۇشىن تۋرنيردىڭ جارتىلاي فينالدىق ماتچىندا گرەكيامەن وينايدى.
«ماعان رەسەيلىك كلۋبتاردان ۇسىنىستار بولدى. ءبىراق مەن سيكلدى (قازاقستان قۇراماسىمەن) اياقتاۋىم كەرەك، سول ارقىلى ءارى قاراي شەشىم قابىلدايمىن. مەن ءوز سوزىمنەن قايتپايمىن: ءتۇيىس ويىندارىنا اتسالىسامىن.
ارينە، جاقىن ارادا رەسەيگە ورالۋىم مۇمكىن ەكەنىن مويىندايمىن. ءبىراق بۇل مەنىڭ ارمانىم دەپ ايتا المايمىن. مەن قاي كەزدە دە ناقتى ارەكەت ەتەمىن. قازىر قازاقستان قۇراماسىندا بارلىعىنا تولىق كوڭىلىم تولادى. بۇل كوماندا ماعان كوپ نارسە بەردى، مەن دە ولارعا بىردەڭە بەردىم دەپ ۇمىتتەنەمىن. بار ويىم الداعى ويىنداردا»، - دەدى اديەۆ.
اۆتور
اسحات رايقۇل
