قازاقستان تۇرىكمەنستاننان اۆياتسيالىق كەروسين يمپورتتاۋى مۇمكىن

ەنەرگەتيكا ءمينيسترى الماسادام ساتقاليەۆ قازاقستان رەسەيدەن باسقا قاي ەلدەردەن مۇناي ونىمدەرىن يمپورتتاۋى مۇمكىن ەكەنىن ايتتى، دەپ حابارلايدى قازاقپارات ءتىلشىسى.

Сәтқалиев
Фото: Фото: ҚазАқпарат

ەنەرگەتيكا ءمينيسترى الماسادام ساتقاليەۆ قازاقستان رەسەيدەن باسقا قاي ەلدەردەن مۇناي ونىمدەرىن يمپورتتاۋى مۇمكىن ەكەنىن ايتتى، دەپ حابارلايدى قازاقپارات ءتىلشىسى.

«جالپى، ەۋرازيالىق ەكونوميكالىق وداق اۋماعىنا مۇناي ونىمدەرىن يمپورتتاۋمەن بايلانىستى ناقتى ءبىر ەرەجە بار. ەلىمىزدىڭ اۋماعىنا مۇناي ونىمدەرىن جەتكىزەتىن زاۋىتتار ەۋرازيالىق كوميسسيا تالاپتارىنا ساي سەرتيفيكاتتالۋى ءتيىس. مەنىڭ بىلۋىمشە، ءبىرقاتار زاۋىت سەرتيفيكات الۋعا نيەت تانىتىپ وتىر»، - دەدى الماسادام ساتقاليەۆ XV KazEnergy ەۋرازيالىق فورۋمى اياسىندا ب ا ق وكىلدەرىنىڭ ساۋالىنا وراي.

مينيستر ەۋرازيالىق ەكونوميكالىق وداق اۋماعىنا مۇناي ونىمدەرىن الەۋەتتى جەتكىزۋشى رەتىندە تۇرىكمەنستان مەن قىتايدىڭ مۇناي وڭدەۋ زاۋىتتارىن اتادى.

«بۇل پروتسەسس جۇمىس تارتىبىمەن جۇرگىزىلىپ جاتىر»، - دەدى ول.

قازاقستان تۇرىكمەنستاننان اۆياتسيالىق كەروسين يمپورتتاۋى مۇمكىن. بۇل تۋرالى ەنەرگەتيكا ۆيتسە- ءمينيسترى ەرلان اقكەنجەنوۆ ايتتى.

«وزدەرىڭىز بىلەتىندەي، تۇرىكمەنستان دا ءبىز سياقتى مۇنايلى ەل جانە مۇناي وڭدەۋ قۋاتتارى بار. ولار ءوز ونىمدەرىن كاسپيي تەڭىزى ارقىلى ەكسپورتقا شىعارادى. وسى جىلدىڭ باسىندا تۇرىكمەنستاندا شىعارىلعان اۆياتسيالىق وتىندى تەستىلەۋدەن وتكىزۋ نۇسقاسىن قاراستىردىق. ول ءۇشىن اۆياتسيالىق كەروسيننىڭ ءتيىستى كولەمى جەتكىزىلىپ، تىكەلەي زەرتحاناعا جىبەرىلدى. اتالعان زەرتحانانىڭ قورىتىندىسىن كۇتىپ وتىرمىز. ال بەنزين مەن ديزەل وتىنىنا قاتىستى ايتار بولسام، ءبىز بۇل ماسەلەنى قاراستىرعان جوقپىز»، - دەدى ەرلان اقكەنجەنوۆ XV KazEnergy ەۋرازيالىق فورۋمى اياسىندا ب ا ق وكىلدەرىنىڭ ساۋالىنا وراي.

وسى ورايدا ۆيتسە- مينيستر ءونىمىڭ وزىندىك قۇنىنا تاسىمالداۋ شىعىندارى دا كىرەتىندىگىنە نازار اۋدارتتى.

«ياعني، ەگەر ءبىز تاسىمالداۋ تۇرعىسىنان قارايتىن بولساق، وندا تۇرىكمەنستاننان اكەلۋ وزگە ەلدەرگە، رەسەيگە قاراعاندا ءبىرشاما قىمباتقا تۇسەدى. جالپى، ءبىز بارلىق مۇمكىندىكتى قاراستىرامىز. ازەربايجان، وزبەك ارىپتەستەرىمىزبەن سويلەستىك. كۇنى كەشە عانا وزبەكستاندىق ارىپتەسىم - ۆيتسە- مينيسترمەن سويلەستىم. ولار ديزەل وتىنىن جەتكىزۋگە دايىن ەكەندىگىن ءبىلدىردى. وزدەرىڭىز دە وزبەكستاندا بەنزين جەتپەيتىندىگىن بىلەسىزدەر. كەرىسىنشە، ارىپتەستەرىمىز بىزدەن بەنزين ءبولىسۋدى سۇراپ وتىر. قانداي دا ءبىر كولەم جايىندا ءسوز جوق. تەك الدىن الا سويلەسۋ عانا بولدى. ماسەلە جان- جاقتى، تىڭعىلىقتى زەردەلەنبەدى»، - دەدى ول.

ايتا كەتەيىك، ەلوردادا XV KazEnergy ەۋرازيالىق فورۋمى ءوتىپ جاتىر. حالىقارالىق ءىس- شارا قاتىسۋشىلارىنا مەملەكەت باسشىسى قاسىم- جومارت توقايەۆ قۇتتىقتاۋ جولدادى.

اۆتور

مارلان جيەمباي

سوڭعى جاڭالىقتار