قازاقستان مۇسىلماندارى باس ءمۇفتي سايلادى
استانا. KAZINFORM - بۇگىن استانا قالاسىندا وتكەن قازاقستان مۇسىلماندارىنىڭ 10-قۇرىلتايىندا ق م د ب ءتوراعاسى، باس ءمۇفتي لاۋازىمىنا ناۋرىزباي قاجى تاعان ۇلىنىڭ كانديداتۋراسى ۇسىنىلدى.
ق م د ب باسپا ءسوز قىزمەتىنىڭ مالىمەتىنشە، قۇرىلتايعا جينالعان 300-گە جۋىق دەلەگات وسى كانديداتۋراعا ءبىراۋىزدان داۋىس بەرىپ، قولداۋ كورسەتىپ، ناۋرىزباي قاجى تاعان ۇلىن باس ءمۇفتي لاۋازىمىنا قايتا سايلادى.
- قۇرىلتايعا ەلىمىزدىڭ ءار وبلىسىنان كەلگەن 300-گە جۋىق دەلەگات مەنىڭ كانديداتۋراما داۋىس بەرىپ، سەنىم ءبىلدىرىپ، باس ءمۇفتي لاۋازىمىنا قايتا سايلادى. بۇل سەنىمدى ابىرويمەن اقتاۋعا بار كۇش-جىگەرىمدى جۇمسايمىن. جوسپارلاپ وتىرعان ءبىرقاتار جۇمىستارىمىز بار. ماسەلەن، الداعى 2025 -جىلى قازاقستان مۇسىلماندارى ءدىني باسقارماسىنىڭ دەربەس ءمۇفتيات بولىپ قۇرىلعانىنا 35 جىل تولادى. مەرەيتوي اياسىندا جوسپارداعى كوپتەگەن يگى ىستەردى جۇرت بولىپ جۇمىلىپ، حالىق بولىپ بىرىگىپ اتقارۋعا بارشاڭىزدى شاقىرامىن، - دەدى ق م د ب ءتوراعاسى، باس ءمۇفتي ناۋرىزباي قاجى تاعان ۇلى جۋرناليستەرگە بەرگەن سۇحباتىندا.
ايتا كەتەيىك، ناۋرىزباي قاجى تاعان ۇلى ق م د ب ءتوراعاسى، باس ءمۇفتي لاۋازىمىنا ەكىنشى رەت سايلانىپ وتىر.
ناۋرىزباي قاجى تاعان ۇلى 1977 -جىلدىڭ 13-ناۋرىزىندا دۇنيەگە كەلگەن.
1993-1997 -جىلدارى تاشكەنتتە «يمام ءال-بۇحاري» اتىنداعى يسلام ينستيتۋتىندا وقىپ، جوعارعى ءدىني ءبىلىم العان.
1999-2001 -جىلدارى ق م د ب جانىنداعى يسلام ينستيتۋتىندا وقىعان.
2009 -جىلى مىسىر اراب رەسپۋبليكاسىندا ءدىني ءبىلىمىن جەتىلدىرگەن.
2010 -جىلى اباي اتىنداعى الماتى مەملەكەتتىك ۋنيۆەرسيتەتىنىڭ «تاريح» ماماندىعى بويىنشا سىرتتاي وقىپ، جوعارى ءبىلىم العان.
2011-2013 -جىلدارى اتالعان ۋنيۆەرسيتەتتىڭ «ءدىن تانۋ» ماماندىعى بويىنشا ماگيستراتۋراسىن بىتىرگەن.
2017-2020 -جىلدارى «نۇر-مۇباراك» ەگيپەت يسلام مادەنيەتى ۋنيۆەرسيتەتىندە «يسلام تانۋ» ماماندىعى بويىنشا PhD دوكتور دارەجەسىن قورعادى.
ايتا كەتەيىك، تۇركىتىلدەس مەملەكەتتەردىڭ مۇفتيلەر القاسى رۋحاني-ءدىني كونسۋلتاتيۆتىك- كەڭەسشى ورگان رەتىندە ءبىرقاتار باستاماعا مۇرىندىق بولا الادى. بۇل تۋرالى ق م د ب ءتوراعاسى ناۋرىزباي قاجى تاعان ۇلى تۇركىستان قالاسىندا ءوتىپ جاتقان «مۇفتيلەر القاسىندا» ءمالىم ەتتى.
ەلميرا ورالبايەۆا
اۆتور
