قازاقستان مەن ت م د ەلدەرىندە تاكسيستەر قانشا تابىس تابادى
استانا. KAZINFORM - اقىلى قىزمەتتەردىڭ باعاسى بيىل اقپاندا 2023 -جىلعى اقپانمەن سالىستىرعاندا %12,8 ءوستى، ونىڭ ىشىندە تاكسي قىزمەتتەرىنىڭ قۇنى %12,3 كوتەرىلگەن.
ERI ايماقتىق زەرتتەۋلەر ورتالىعىنىڭ ديرەكتورى ەرلان كارىموۆ ەلىمىزدەگى تاكسي قىزمەتىنەن تۇسەتىن تابىسقا شولۋ جاسادى.
ۇلتتىق ستاتبيۋرو دەرەكتەرىنە سايكەس، 2020 -جىلدان باستاپ تاكسي قىزمەتىن پايدالانۋشىلاردىڭ تۇراقتى ءوسۋ ديناميكاسى ءجۇرىپ جاتىر، ول 2020 -جىلى 1,314 ميلليون ادامنان 2022 -جىلى 3,339 ميلليون ادامعا دەيىن وسكەن.
«بۇل رەتتە قازاقستاندا تاكسوپاركتەر تابىسىنىڭ كۇرت قىسقارعانى بايقالادى، ولار 2021 -جىلى 7 ەسەگە جۋىق ءوسىم كورسەتكەن ەدى (كىرىس 1,825 ميلليارد تەڭگەدەن 12,429 ميلليارد تەڭگەگە دەيىن ءوستى). الايدا، 2022 -جىلى كىرىس 2,5 ەسە تومەندەدى (12,429 ميلليارد تەڭگەدەن 4,871 ميلليارد تەڭگەگە دەيىن). وڭىرلىك بولىنىستە قاراعاندى (10,4)، اتىراۋ (7,3) ، اباي (7)، اقمولا (6,4) جانە پاۆلودار وبلىستارىنىڭ (5,9) تۇرعىندارى تاكسي باعاسىنىڭ وسكەنىن قاتتى سەزىندى. ەڭ تومەنگى جىلدىق ءوسىم س ق و (بارلىعى 0,3)، قوستاناي (1,2) جانە قىزىلوردا وبلىسىندا (1,7 پايىز) تىركەلدى» ، - دەيدى ەرلان كارىموۆ.
ونىڭ ايتۋىنشا، سەگىز وبلىستا (باتىس قازاقستان، ماڭعىستاۋ، اقتوبە، شىعىس قازاقستان، تۇركىستان؛ جامبىل، سونداي- اق ۇلىتاۋ جانە جەتىسۋ وبلىستارى) باعالار ءبىر جىل بۇرىنعىداي دەڭگەيدە قالدى.
NUMBEO ينتەرنەت- پورتالىنىڭ دەرەكتەرىنە سايكەس، قازاقستاندا ت م د ەلدەرى اراسىندا ەڭ قىمبات تاكسي قىزمەتتەرىنىڭ ءبىرى (تاكسيدىڭ باستاپقى قۇنى - 1,79 ا ق ش دوللارى نەمەسە 800 تەڭگە، ال جولدىڭ ءبىر كيلومەترىنە - كەمىندە 0,42 ا ق ش دوللارى نەمەسە 200 تەڭگەگە جۋىق تولەۋ قاجەت).
بۇل رەتتە Globalpetrolprices مالىمەتىنشە، قازاقستاندا تالداناتىن ت م د ەلدەرى اراسىندا اي-95 ماركالى بەنزيننىڭ ەڭ تومەن باعاسى تىركەلدى، ول ءبىر ليترگە - 0,545 ا ق ش دوللارى نەمەسە 250 تەڭگە.
«ەگەر تالدانىپ وتىرعان ت م د ەلدەرىندە تاكسي قىزمەتتەرى ءۇشىن بىردەي ماشينا جۇمىس ىستەيدى دەپ ەسەپتەسەك (مىسالى، 2023 -جىلعى Hyundai Accent، قوزعالتقىش كولەمى 1,6 تەكشە مەتر جانە وتىن شىعىنى قالالىق رەجيمدە 100 ك م- گە 8,9 ليتر)، قازاقستاندا تاكسي جۇرگىزۋشىسى 100 ك م جولعا 37 ا ق ش دوللارىنان استام اقشا تابادى. وسىلايشا، قازاقستان تاكسي قىزمەتتەرىنىڭ تابىسى بويىنشا ت م د ەلدەرىنىڭ ۇزدىك ۇشتىگىنە كىرەدى دەپ ايتۋعا بولادى (ازەربايجاننان كەيىن - 53,77 ا ق ش دوللارى جانە رەسەيدەن كەيىن - 100 ك م جولعا 37,76 ا ق ش دوللارى)»، - دەيدى ورتالىق ديرەكتورى.
دەگەنمەن كولىكتىڭ باعاسىن دا ەسكەرۋ قاجەت، ول ايتارلىقتاي ەرەكشەلەنەدى.
ماسەلەن، 2023 -جىلعى Hyundai Accent باعاسى قازاقستاندا - 9,9 ميلليون تەڭگەنى، ازەربايجاندا - 8,4 ميلليون تەڭگە، ال رەسەيدە - 8,1 ميلليون تەڭگە.
