قازاقستان مەن قىتاي اراسىنداعى تاۋار اينالىمى 31,5 ميلليارد دوللارعا جەتتى
استانا. KAZINFORM - پرەمەر-مينيستر ولجاس بەكتەنوۆ قىتاي حالىق رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى جان شياۋمەن ەكى مەملەكەت باسشىلارى دەڭگەيىندە قول جەتكىزىلگەن ۋاعدالاستىقتاردى ىسكە اسىرۋ بارىسىن تالقىلادى. بۇل تۋرالى ۇكىمەتتىڭ باسپا ءسوز قىزمەتى حابارلادى.
وتكەن جىلدىڭ قورىتىندىسى بويىنشا قازاقستان مەن قىتاي اراسىنداعى ەكىجاقتى تاۋار اينالىمى %30 عا ءوسىپ، $31,5 ميللياردقا جەتتى. 2023 -جىلدىڭ 9 ايىندا قازاقستان ەكونوميكاسىنا سالىنعان قحر ينۆەستيتسيالارىنىڭ كولەمى شامامەن $1,4 ميلليارد بولعان.
قازىرگى ۋاقىتتا ينۆەستيتسيالار كولەمى $14,5 ميللياردتان اساتىن 45 بىرلەسكەن قازاق-قىتاي جوباسى ىسكە اسىرىلۋ ۇستىندە. وسى جىلدىڭ 2 ايىندا كونتەينەرلىك تاسىمالداۋ كولەمى 2,6 ەسەگە ءوستى. سونداي-اق ساۋدا قاتىناستارىنىڭ قازىرگى الەۋەتى تاۋار اينالىمىن ودان ءارى ءارتاراپتاندىرۋ جانە ينۆەستيتسيالىق ءوزارا ءىس-قيمىلدى كەڭەيتۋ پەرسپەكتيۆالارى بار ەكەنىن كورسەتىپ وتىر.
كەلىسسوزدەر بارىسىندا ءوزارا ساۋداداعى شەكتەۋلەردى جويۋ، اكىمشىلىك كەدەرگىلەردى الىپ تاستاۋ جانە كەدەندىك راسىمدەردى وڭايلاتۋ جونىندەگى شارالار قارالدى. اتاپ ايتقاندا، ەلىمىزدىڭ قىتاي نارىعىنا جوعارى دەڭگەيدە وڭدەلگەن اۋىل شارۋاشىلىعى ءونىمىن جەتكىزۋ كولەمىن ۇلعايتۋعا دايىن ەكەنى ايتىلدى.
سونداي-اق «باقتى-تاچىڭ» جاڭا تەمىرجول ارقىلى وتكىزۋ بەكەتىن سالۋ، ترانسكاسپي حالىقارالىق كولىك باعىتىنىڭ الەۋەتىن كەڭەيتۋ جانە وڭىرلىك ينتەگراتسيانى دامىتۋ بويىنشا ترانزيتتىك- كولىك سالاسىنداعى ىسكە اسىرىلىپ جاتقان قادامدار تالقىلاندى.
وعان قوسا جولاۋشىلار رەيستەرىنىڭ سانىن ارتتىرۋ ماسەلەلەرى قارالدى.
قازاقستان ۇكىمەتىنىڭ باسشىسى ق ر مەن ق ح ر اراسىنداعى ساۋدا-ەكونوميكالىق ارىپتەستىك ءوسىپ كەلە جاتقانىن اتاپ ءوتتى.
«قازاق-قىتاي بىرلەسكەن جوبالارى نارىقتا ساپالى جانە سۇرانىسقا يە ونىمدەر شىعاراتىن جوعارى تەحنولوگيالىق كاسىپورىندار قۇرۋعا مۇمكىندىك بەرەدى. بۇگىندە ەلىمىزدىڭ اۋماعىندا 3000 بىرلەسكەن كومپانيا تابىستى جۇمىس ىستەپ جاتىر. بۇل ەكى ەلدىڭ بيزنەس قاۋىمداستىقتارى سەرىكتەستىگىنىڭ تۇراقتىلىعى مەن ونىمدىلىگىن كورسەتەدى»، - دەدى ولجاس بەكتەنوۆ.
ءوز كەزەگىندە ق ح ر-نىڭ ق ر-داعى ەلشىسى ەكى ەلدىڭ ستراتەگيالىق ارىپتەستىگىن دامىتۋ سەرپىنى جوعارى ەكەنىن راستادى.
«بۇگىنگى تاڭدا بارلىق باعىت بويىنشا ەكى ەل اراسىنداعى قارىم-قاتىناس جاقسى دامىپ كەلەدى. پرەزيدەنت قاسىم- جومارت توقايەۆتىڭ قىتايعا ساپارلارى ەكىجاقتى قارىم-قاتىناستى تەرەڭدەتۋگە جانە دامىتۋعا زور سەرپىن بەردى. ءبىز قازاقستان پرەزيدەنتى جاريالاعان اۋقىمدى ەكونوميكالىق وزگەرىستەر باعدارلاماسىن جوعارى باعالايمىز. 2029-جىلعا قاراي قازاقستاننىڭ ج ءى ءو- ءسىن ەكى ەسەگە ۇلعايتۋ جونىندەگى بيىك ماقساتقا قول جەتكىزۋگە ابدەن بولادى دەپ سانايمىز»، - دەدى جاڭ شياۋ.
كەزدەسۋ قورىتىندىسى بويىنشا ولجاس بەكتەنوۆ پەن جاڭ شياۋ قازاقستان مەن قىتاي ءوزارا ساۋدا-ەكونوميكالىق ىنتىماقتاستىقتى دايەكتى تۇردە دامىتۋ جۇمىسىن كۇشەيتۋگە دايىن ەكەنىن راستادى.
اۆتور
ەلميرا ورالبايەۆا
