قازاقستان مەن قىتاي اراسىندا جۇك تاسىمالى ارتتى
استانا. قازاقپارات - قازاقستان مەن قىتاي اراسىندا تەمىرجول ارقىلى تاسمالدانعان جۇك كولەمى ارتتى. بيىلعى جىلدىڭ 11 ايىندا 29,3 ميلليون توننا تاۋار تاسىمالداندى. بۇل بىلتىرمەن سالىستىرعاندا 13 پايىزعا كوپ. سونىمەن قاتار كونتەينەر تاسىمالى دا 1 ميلليوننان استى.
ەندى 2025 -جىلى ەلدەگى ينۆەستيتسيالىق كليماتتى قالىپتاستىرۋ ماقساتىندا تەمىرجول ينفراقۇرىلىمىنىڭ اياسى كەڭي تۇسەدى. قازىر ەل اۋماعىندا دوستىق-الاشانكوۋ، التىنكول-قورعاس، باقتى-اياگوز سياقتى بىرنەشە جوبا جۇزەگە اسىرىلىپ جاتىر. وسىنىڭ ارقاسىندا قازاق-قىتاي اراسىندا ترانزيتتىك پويىزدار سانى كوبەيەدى.
دوستىق-مويىنتى تەمىرجولى قۇرىلىسى اياقتالعاندا ونداعى بەكەتتەردىڭ وتكىزۋ مۇمكىندىگى 4 ەسەگە دەيىن ۇلعايىپ، تاۋلىگىنە 60 پويىزعا دەيىن قاتىنايدى.
ەرىك اۋباكىروۆ، «ق ت ج» ا ق قىتايداعى وكىلى:
- التىنكول-قورعاس باعىتىنداعى تەمىرجول قۇرىلىسىن كەلەر جىلدىڭ شىلدە ايىندا اياقتاۋ جوسپاردا. بۇدان بولەك باقتى- اياگوز ءۇشىنشى تەمىرجول وتكەلىنىڭ قۇرىلىسى ءجۇرىپ جاتىر. بۇل جۇك تاسمالىن 20 ميلليون تونناعا كوبەيتۋگە مۇمكىندىك بەرەدى. سونىمەن قاتار وڭتۇستىكتە ورتالىق ازيا باعىتىنداعى جولدار كەڭەيتىلۋدە.
ەل ورتالىعىندا «بالقاش- مويىنتى» قوسىمشا تەمىرجول تارماعى سالىنادى. مۇندا ەكى قاباتتى كونتەينەر تاسىمالدايتىن پويىزدار جۇرەدى دەپ كۇتىلۋدە. جالپى 2025 -جىلدان باستاپ ينفراقۇرىلىمنىڭ نەگىزگى ءۇش باعىتىن دامىتۋعا كۇش سالىندى. لوكوماتيۆتەر مەن ۆاگوندار، جۇمىستى جۇيەسىن اۆتوماتتاندىرۋ، قايتا تيەۋ توراپتىق ستانسيالارى جانە ماگيسترالدىق تەمىرجول جەلىلەرى سالىنادى. بۇل ينۆەستيتسيالىق كليماتتى جاقسارتا تۇسەدى.
24.kz
