قازاقستان مەن جاپونيا اراسىنداعى تاۋار اينالىمى بيىل ارتقان

استانا. KAZINFORM - رومان سكليار جاپونيانىڭ قازاقستانداعى ەلشىسى دجۋن يامادامەن كەزدەسۋ وتكىزدى، دەپ حابارلايدى ۇكىمەتتىڭ باسپا ءسوز قىزمەتى.

كەلىسسوز اياسىندا ق ر پرەمەر-ءمينيسترىنىڭ ءبىرىنشى ورىنباسارى رومان سكليار ەكى ەل اراسىنداعى قارىم- قاتىناستىڭ جوعارى دەڭگەيدە ەكەندىگىنە توقتالىپ، جاپونيا قازاقستاننىڭ حالىقارالىق ارەناداعى ماڭىزدى سەرىكتەستەرىنىڭ ءبىرى ەكەنىن اتاپ ءوتتى.

ونىڭ ايتۋىنشا، قازاقستان جاپونيامەن ءوزارا قىزىعۋشىلىق تۋدىراتىن بارلىق سالادا ستراتەگيالىق ارىپتەستىكتى ودان ءارى كەڭەيتۋگە مۇددەلى. جالپى العاندا، ەلدەر اراسىنداعى ىنتىماقتاستىق كوپتەگەن جىلدار بويى دوستىق پەن ءوزارا تۇسىنىستىك نەگىزىندە قالىپتاسىپ كەلەدى.

كەزدەسۋ بارىسىندا تاراپتار قازاقستان- جاپونيا ءوزارا ءىس- قيمىلىنىڭ وزەكتى ماسەلەلەرى بويىنشا جان- جاقتى پىكىر الماستى. بۇل رەتتە، رومان سكليار ساۋدا- ەكونوميكا جانە ينۆەستيتسيا سالالارىنداعى بايلانىستاردى ودان ءارى ارتتىرۋ قاجەتتىگىن اتاپ ءوتتى.

سونداي- اق ەكى ەل اراسىنداعى ءوزارا تاۋار اينالىمى وتكەن جىلدىڭ قورىتىندىسى بويىنشا % 13,8- عا ارتىپ، $2,2 ميلليارد قۇراعانى اتاپ ءوتىلدى.

كەزدەسۋ قورىتىندىسى بويىنشا ەكونوميكالىق، الەۋمەتتىك جانە باسقا دا سالالاردا قازاقستان-جاپونيا قاتىناستارىن نىعايتۋ بويىنشا بەلسەندى جۇمىستى جالعاستىرۋ تۋرالى كەلىسىمگە قول جەتكىزىلدى.

اۆتور

ايدار وسپاناليەۆ