قازاقستان مەن ازەربايجان اراسىنداعى ويىننان نە كۇتەمىز

Руслан Балтиев
Фото: sports.kz

استانا. KAZINFORM - فۋتبولدان قازاقستان قۇراماسى باس باپكەرىنىڭ مىندەتىن اتقارۋشى رۋسلان بالتيەۆ ۆەنگريانىڭ سومباتحەي قالاسىندا ازەربايجانعا قارسى وتەتىن جولداستىق ويىن جايلى پىكىرىمەن ءبولىستى.

بالتيەۆتىڭ ايتۋىنشا، قازاقستاندىقتار ازەربايجاندىقتارمەن بىرنەشە رەت ويناعان. سوڭعى رەت ەكى جىل بۇرىن كەزدەسكەنى بەلگىلى. سوندىقتان دا، قارسىلاستان تايسالمايتىنىن اتاپ ءوتتى.

«ازەربايجان قۇراماسىمەن ءارقاشان قىزىقتى تەكەتىرەستەرگە تاپ بولدىق. ءبىز ولارمەن بىرنەشە رەت وينادىق جانە قارسىلاستىڭ جەڭىسكە دەگەن قۇشتارلىعىمەن ەرەكشەلەنەتىنىن بىلەمىز. ارتىقشىلىق بىزدە دە، ولاردا دا بولدى. بۇل جولى دا سولاي بولادى دەپ ويلايمىز. بۇل ەكى قارسىلاس ءۇشىن دە قيىن، ءبىراق قىزىقتى ماتچ بولادى»، - دەدى بالتيەۆ.

ەستەرىڭىزگە سالساق، بۇعان دەيىن قازاقستان جانە ازەربايجان قۇرامالارىنىڭ جولداستىق كەزدەسۋى قازاقستاندىق قاي تەلەارنادان كورسەتىلەتىن جازعان ەدىك.

اۆتور

ورالحان قوجانوۆ

سوڭعى جاڭالىقتار