قازاقستان مەن ا ق ش اراسىندا تىكەلەي اۋە رەيسى 2025-جىلى اشىلۋى مۇمكىن

استانا. KAZINFORM - امەريكا قۇراما شتاتتارىنىڭ قازاقستانداعى ەلشىسى دەنيەل روزەنبليۋم ەكى ەل اراسىندا تىكەلەي اۋە رەيسىن اشۋ نەگە كەشەۋىلدەپ جاتقانىن ايتتى.

«ءبىز تىكەلەي رەيس اشۋدى قالايتىن ەدىك. ول يدەيانى قولدايمىز. ءبىراق وكىنىشكە قاراي، بۇل - وتە كۇردەلى پروتسەسس. اۋە كومپانيالارىنىڭ تالاپقا سايكەس كەلەتىن بورتتارى بولۋ كەرەك. ال Air Astana-دا ازىرگە ونداي بورتتار جوق. قازىر ساتىپ الۋمەن اينالىسىپ جاتىر. ول ءبىراز ۋاقىت الادى»، - دەدى ول ينۆەستورلاردىڭ قۇقىقتارىن قورعاۋ جونىندەگى فورۋم اياسىندا ب ا ق وكىلدەرىنە بەرگەن سۇحباتىندا.

ديپلومات تىكەلەي رەيس اشۋ پروتسەسىنىڭ جىلدامدىعى ا ق ش- تىڭ اۆياتسيا ورگاندارى وتكىزەتىن تەكسەرۋلەرگە دە بايلانىستى ەكەنىن ايتتى.

سونداي- اق، ءبىزدىڭ (ا ق ش تارابىنىڭ - رەد.) ا ق ش فەدەرالدىق اۆياتسيا اكىمشىلىگى سياقتى ورگاندارى وتكىزەتىن تەكسەرۋلەر مەن وزگە دە كوپتەگەن پروتسەستەر بار. بۇل ماسەلە ۇكىمەتپەن وتەتىن كەزدەسۋلەردە ءجيى كوتەرىلەدى. وكىنىشكە قاراي، بيىل بولمايدى. شامالاپ ايتساق، 2025-جىلى بولۋى مۇمكىن»، - دەدى ەلشى.

اۆتور

ەسىمجان ناقتىباي