قازاقستان كوپتەگەن ەل ءۇشىن جاقسى ءارى سەنىمدى ارىپتەس بولا الادى دەپ ويلايمىز - پرەزيدەنت

قازاقستان كوپتەگەن مەملەكەت ءۇشىن جاقسى ءارى سەنىمدى ارىپتەس بولا الادى دەپ ويلايمىز. بۇل تۋرالى مەملەكەت باسشىسى قاسىم-جومارت توقايەۆ Euronews ءتىلشىسى گالينا پولونسكاياعا بەرگەن سۇحباتىندا ايتتى.

«ءوز ەلىڭىزدىڭ ەكونوميكالىق دامۋىنا قاتىستى تاۋەكەلدەر بويىنشا ءسىزدى نە مازالايدى؟»، - دەپ سۇراق قويدى ءتىلشى ق ر پرەزيدەنتىنە.

«اسا كۇردەلى قازىرگى الەمدە راسىمەن دە، قاۋىپ-قاتەرلەر وتە كوپ. جەكەلەگەن گەوساياسي كۇيزەلىستەر تۋرالى حاباردارمىز، ءبىراق ءبىز حالىقارالىق ىنتىماقتاستىققا بەيىلدىمىز. قازاقستان نارىقتىق اشىق ەكونوميكاسى بار ەل جانە قازاقستان كوپتەگەن مەملەكەت ءۇشىن جاقسى ءارى سەنىمدى ارىپتەس بولا الادى دەپ ويلايمىز. مەنىڭشە، قازاقستان ءبىزدىڭ وڭىردە، ورتالىق ازيادا، ءتىپتى ودان تىس اۋماقتا اسا ماڭىزدى ءرول وينايدى»، - دەدى ق.توقايەۆ.

اۆتور

گۇلميرا الياكپاروۆا