قازاقستان حالىقارالىق سوت ىستەرىنە جۇمسالاتىن شىعىندى قىسقارتادى
استانا. KAZINFORM - ادىلەت مينيسترلىگى شەتەلدىك يۋريسديكسيالاردا مەملەكەت مۇددەسىن بىلدىرۋگە جانە قورعاۋعا باعىتتالعان بيۋدجەت شىعىستارىن قىسقارتىپ جاتىر. بۇل تۋرالى ق ر ادىلەت مينيسترلىگىنىڭ رەسمي وكىلى تالعات ءۋالي ايتىپ بەردى.
«ماسەلەن، 2021 -جىلعا بولىنگەن بيۋدجەت 25,6 ميلليارد تەڭگە بولسا، 2024 -جىلعا ارنالعان بيۋدجەت - 8 ميلليارد تەڭگە بولدى. ءتىپتى جىل بويى بۇل سوما تاعى دا تومەندەتىلەتىن اتاپ وتەمىز»، - دەدى ت. ءۋالي مينيسترلىك ۇيىمداستىرعان بريفينگتە.
بيۋدجەتتى وڭتايلاندىرۋ مۇمكىندىگى پروتسەسسۋالدىق بولاشاعى جوق ىستەردەن باس تارتۋ، وتەلەتىن شىعىندار كولەمىن قايتا قاراۋ جولىمەن جۇرگىزىلمەك.
«ادىلەت مينيسترلىگى داۋلاردى شەشۋدىڭ ءارتۇرلى بالامالى تەتىكتەرىن قولدانۋ ارقىلى داۋلاردىڭ سانىن ازايتۋ جۇمىستارىن دا جۇرگىزۋدە. 2023 -جىلى مينيسترلىك 26 داۋ بويىنشا مەملەكەت مۇددەسىن قورعاعان بولاتىن. 2024 -جىلعا ارنالعان ستاتيستيكاعا سايكەس، مينيسترلىك 20 ءىستى قاراپ جاتىر»، - دەدى رەسمي وكىل.
اۆتور
ايجان سەرىكجان قىزى
