قازاقستان حالقىنا قورى سۋ تاسقىنى سالدارىن جويۋعا 10 ميلليارد تەڭگە بولەدى
استانا. KAZINFORM - «قازاقستان حالقىنا» قورى سۋ تاسقىنىنان زارداپ شەككەندەرگە كومەك مولشەرىن 10 ميلليارد تەڭگەگە دەيىن ۇلعايتادى.
«بۇعان دەيىن قور اۋىلدىق جەرلەردە 200 ءۇي سالۋ ءۇشىن 5 ميلليارد تەڭگە ءبولۋ تۋرالى جاريالاعان بولاتىن. اپاتتىڭ اۋقىمى مەن ونىڭ سالدارىن ەسكەرە وتىرىپ، قامقورشىلىق كەڭەسى وسى ماقساتتارعا بارلىعى 10 ميلليارد تەڭگە ءبولۋ تۋرالى شەشىم قابىلدادى»، - دەلىنگەن قوردىڭ حابارلاماسىندا.
اقپاراتتا ايتىلعانداي، 1-30 -ءساۋىر ارالىعىندا زاڭدى جانە جەكە تۇلعالاردان قوردىڭ شوتتارىنا تۇسكەن بارلىق قايىرىمدىلىق قاراجاتى زارداپ شەككەندەرگە ءۇي سالۋعا اۋدارىلادى. 9- ساۋىردەگى جاعداي بويىنشا قور شوتىنا 970 ميلليون تەڭگە ءتۇستى.
«قور جينالعان اقشا ەسەبىنەن 430-دان استام ءۇي سالۋعا بولادى. جينالعان قارجى ارتقان جاعدايدا سالىناتىن ۇيلەر سانى ارتادى دەپ كۇتىلۋدە. سۋ تاسقىنى سالدارىنان قيراعان تۇرعىن ءۇيدى قالپىنا كەلتىرۋ قاجەتتىلىگى اناعۇرلىم جوعارى ەكەنىن ەسكەرە وتىرىپ، «قازاقستان حالقىنا» قورى جاناشىر ازاماتتار مەن زاڭدى تۇلعالاردى مەملەكەت باسشىسىنىڭ زارداپ شەككەندەرگە كومەك كورسەتۋ ءۇشىن قاراجات جيناۋ جونىندەگى باستاماسىن قولداۋعا شاقىرادى»، - دەيدى قازاقستان حالقى قورىنان.
قايىرىمدىلىق جاساۋ ءۇشىن https://qazaqstanhalqyna.kz/kk/donors.html رەسمي سايتىندا كورسەتىلگەن شوتتار مەن دەرەكتەردى پايدالانۋعا بولادى.
سونىمەن قاتار جەكە تۇلعالار ءۇشىن اۋدارىم بانكتەردىڭ موبيلدى قوسىمشاسىنداعى «قايىرىمدىلىق» بولىمىندە قولجەتىمدى.
قورعا تۇسكەن قارجى مولشەرى تۋرالى ەگجەي-تەگجەيلى ەسەپ، سونداي-اق قۇرىلىس بارىسى تۋرالى اقپارات رەسمي ۆەب- سايتتا ورنالاستىرىلادى.
«قور عا تۇسكەن قاراجاتتىڭ ماقساتتى جۇمسالۋىن باقىلاۋدى قامتاماسىز ەتەدى. ەلدى مەكەندەردى، قۇرىلىس ورنىن تاڭداۋ جانە جەر ۋچاسكەلەرىن بەرۋ، قۇرىلىس كومپانيالارى اتىنان مەردىگەرلەردى ايقىنداۋ جونىندەگى جۇمىس قۇرىلىسقا تاپسىرىس بەرۋشى رەتىندە ارەكەت ەتەتىن جەرگىلىكتى اتقارۋشى ورگاندارمەن بىرلەسىپ جۇرگىزىلەدى»، - دەپ جازىلعان اقپاراتتا.
ەسكە سالا كەتەيىك، بۇعان دەيىن «قازاقستان حالقىنا» قورى سۋ تاسقىنىنان زارداپ شەككەن 200 ءۇيدىڭ قۇرىلىسىن قارجىلاندىراتىنى تۋرالى حابارلاعان ەدىك.
اۆتور
داۋلەت ىزتىلەۋ
