قازاقستان ب ۇ ۇ ستاندارتى بويىنشا قارتايعان ەلدەر قاتارىنا كىرەدى

استانا. قازاقپارات – 1- قازان - حالىقارالىق قارتتار كۇنى ب ۇ ۇ باس اسسامبلەياسىنىڭ 45- سەسسياسى ءوتتى. ۇلكەندى سىيلاۋ، قارتتارعا قۇرمەت كورسەتۋ ەجەلدەن بار دۇنيە. ولاي بولسا ەلىمىزدەگى ەگدە جاستاعى كىسىلەرگە قانداي جاعداي جاسالعان، ءبىزدىڭ قارتتاردىڭ ورتا جاسى قانشادا؟ قوعامدىق ساياسات ينستيتۋتى اتالعان كۇنگە وراي شولۋ جاساپتى.

«الەمدىك دەموگرافيالىق پەرسپەكتيۆالار» بايانداماسىنا سايكەس، 65 جاستان اسقان ادامداردىڭ سانى باسقا جاس توپتارىمەن سالىستىرعاندا جىلدام ءوسىپ جاتىر.

بولجام بويىنشا، 2050 -جىلى 65 جاستان اسقان ەگدە جاستاعى حالىقتىڭ ۇلەسى %16- عا وسەدى جانە 5 جاسقا دەيىنگى بالالار سانىنان ەكى ەسە ارتىپ، 12 جاسقا دەيىنگى بالالار سانىمەن تەڭەسەدى.

قازاقستانداعى جاعداي الەمدىك ترەندكە سايكەس كەلىپ وتىر، 5 جىل ىشىندە ەلىمىزدە قارتتاردىڭ ۇلەسى %22,2 ءوستى.

ايتا كەتسەك، ب ۇ ۇ ستاندارتتارى بويىنشا 65 جاستان اسقان قارتتاردىڭ ۇلەسى %7- دان جوعارى بولسا، قارتايعان ەل سانالادى. ال ۇلتتىق ستاتيستيكا بيۋروسىنىڭ مالىمەتىنشە، ەلىمىزدە 65 جاستان اسقان ادامداردىڭ سانى 1771909 نەمەسە %8,8. بۇل قازاقستاننىڭ قارتايعان ەلدەردىڭ قاتارىنا كىرگەنىن ايقىندايدى.

ەلىمىز بويىنشا قارتتاردىڭ تۇرعىلىقتى جەرى جانە الەۋمەتتىك- دەموگرافيالىق كورسەتكىشتەرىنە كەلسەك:

- ەگدە جاستاعى حالىق كوبىنەسە قالادا تۇرادى (65)، قالعانى اۋىلدا (35 پايىز)؛

- دەموگرافيالىق بولىنىستە ەركەكتەردەن (37) ايەلدەر كوپ (63 پايىز)؛

- 65 جاستان اسقان ادامداردىڭ كوبى الماتى قالاسىندا (205586)، قاراعاندى (139449) جانە تۇركىستان وبلىسىندا ءومىر ءسۇرىپ جاتىر (121299)؛

- ەڭ از كورسەتكىش ماڭعىستاۋ (42353)، اتىراۋ (44203) جانە ۇلىتاۋ وبلىستارىندا (20356).

قازاقستاندا جيىنتىق زەينەتاقىنىڭ ورتاشا مولشەرى - 131872 تەڭگە.

مەملەكەتتىك قولداۋدىڭ باسقا شارالارى دا قاراستىرىلعان:

- تابىسى تومەن نەمەسە ومىرلىك قيىن جاعدايعا تاپ بولعان قارتتارعا ارنالعان الەۋمەتتىك جاردەماقىلار؛

- تۇرعىن ءۇي ماسەلەسىن رەتتەۋ، ەمدەۋ نەمەسە تۇرمىسىن جاقسارتۋ سياقتى ارنايى قاجەتتىلىكتەرگە ارنالعان ءبىرجولعى جاردەماقىلار؛

- اۋرۋحانالاردا تەگىن مەديتسينالىق كومەك جانە ەمدەۋ؛

- گاز تارتۋ جابدىقتارىن ورناتۋعا جۇمسالعان شىعىنداردى وتەۋ؛

- ساناتورييگە جولدامالار تاعى سول سياقتى.

جەرگىلىكتى اتقارۋشى ورگاندار قارتتارعا بەلسەندى قولداۋ كورسەتىپ، مەرەكەگە وراي ءبىرجولعى قارجىلاي تولەم جاسايدى، الايدا ونىڭ كولەمى بيۋدجەتتىڭ جاي-كۇيىنە بايلانىستى. مىسالى، استانادا 2,5 ايلىق ەسەپتىك كورسەتكىش (9230 تەڭگە) كولەمىندە، اقمولا وبلىسىندا 2 ا ە ك- تەن 5 ا ە ك- كە دەيىن (7384 تەڭگەدەن 18460 تەڭگەگە دەيىن) تولەيدى. پاۆلودار وبلىسىندا 2 ا ە ك- تەن 3 ا ە ك- كە دەيىن (7384 تەڭگەدەن 11076 تەڭگەگە دەيىن) تولەم قاراستىرىلعان. اقتاۋدا 70 جاستان اسقان زەينەتكەرلەرگە 2 ا ە ك كولەمىندە تولەم جاسالادى.

اۆتور

داۋلەت ىزتىلەۋ