قازاقستان اتوم ەنەرگياسىن بەيبىت ماقساتتا پايدالانۋعا دايىن با

Атом энергияси
Фото: Zoonar.com/www.artushfoto.eu/picture alliance

استانا. KAZINFORM - ەنەرگەتيكا ءمينيسترى الماسادام ساتقاليەۆ اتوم ەنەرگياسىن بەيبىت ماقساتتا قولدانۋعا قاتىستى پىكىر ءبىلدىردى.

«ەلىمىز ءۇشىن جاڭا باعىتتاردىڭ ىشىنەن ءبىز اتوم ەنەرگياسىن بەيبىت ماقساتتا پايدالانۋ سالاسىنداعى، ونىڭ ىشىندە ەنەرگەتيكالىق ەمەس قولدانۋ باعىتىنداعى جاڭا جوبالاردى ىسكە اسىرۋ بويىنشا ىنتىماقتاستىققا اشىقپىز. مۇندا ش ى ۇ ەلدەرىنىڭ تاجىريبەسى ەرەكشە پايدالى. بۇدان باسقا، كومىردى تەرەڭ وڭدەۋ (كومىر حيمياسى)، ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ باعىتتارى بويىنشا تەحنولوگيالاردى دامىتۋ مەن يننوۆاتسيالىق جوبالاردى قارجىلاندىرۋ ماڭىزدى»، - دەدى الماسادام ساتقاليەۆ ش ى ۇ- عا مۇشە مەملەكەتتەردىڭ ەنەرگەتيكا مينيسترلەرىنىڭ ءتورتىنشى كەڭەسىندە.

سونداي-اق مينيستر ءۇندىستان جانە پاكىستان ەلىنىڭ تاجىريبەسىن باسشىلىققا الىپ، ءوزارا ءىس-قيمىلدى كۇشەيتۋگە باسىمدىق بەرىلەتىنىن ايتتى.

ايتا كەتەيىك، بۇگىن استانادا شاڭحاي ىنتىماقتاستىق ۇيىمىنا مۇشە مەملەكەتتەردىڭ ەنەرگەتيكا مينيسترلەرىنىڭ ءتورتىنشى كەڭەسى ءوتىپ جاتىر.

اۆتور

داۋلەت ىزتىلەۋ

سوڭعى جاڭالىقتار